fbpx
الشروحات

دليل مشاهدة الافلام و المسلسلات في العراق

روابط الشير وجميع البرامج والشروحات المهمه

اكو هواي طرق حتى تكدر تشاهد المسلسلات والافلام وحتى تحملها وانت بالعراق

اليوم راح نشرحلكم كل الطرق الممكنة الي تكدر من خلالها تشاهد و تحمل الافلام والمسلسلات واذا واجهتك مشكلة او معرفت لشي معيين او عندك استفسار ( تكدر تراسلنا على الفيسبوك )


اولاً : خدمات الشير والسينما الخاص بكل شبكة ( اذا ما حابها انتقل لثانياَ ) 

اذا جنت داخل العراق فمن افضل الطرق لمشاهدة وتحميل الافلام هي خدمات الشير والسينما الي يقدمها كل مجهز خدمة انترنيت فكل شركة تقدم خدمات حتى تكدر تنافس الشركات الاخرى ( مثل ايرثلنك , عراق نتورك , الجزيرة , سكاي سكوب … الخ )

فالبداية قبل لتدخل للروابط حتى تعرف مزود الخدمة الخاصة بيك ادخل لهالرابط ( من هنا )

اما اذا كنت تعرف فهاي روابط الشير  والسينما الخاصة بكل شبكة بالعراق تقريباً


بالبداية :

ايرثلنك وخدمات شبكتي تقريباً افضل شي موجود ( شيرسينما )

حتى تحمل التطبيقات الخاصة بالشركة على الاندرويد او الايفون تكدر تبحث ببساطة بكوكل بلي او اب ستور على كلمة ( شبكتي ) راح تظهرلك التطبيقات الخاصة بالشركة

اما اذا كنت من مشترك وي غير شبكة وحاب تفتح الشير والسينما الخاصة بايرثلنك ( تفضل هالمقالة من هنا )


بعدها شركة المجهز ( سكوب سكاي الكيبل الضوئي ) ووياها العديد من الشركات الفرعية مثل شركة افق الاثير و سكوب تلي

خدمتهم الخاصة بالشير والسينما هي UboxHD تكدر تزور الخدمة ( من هنا )

وتكدر تحمل تطبيقهم عن طريق البحث في المتجر عن كلمة ( المجهز )

(التطبيق الجديد اسمة UBOX متوفر على الايفون والاندروديد )


بعدها شركة الجزيرة تكدر تزور ( شير سينما )

تكدر تحمل تطبيقهم ابحث بالمتجر ( خدمات الجزيرة العربية )


شركة هرنز (هلال الرافدين) عدهم سينما بوكس ( شيرسينما )

تكدر تبحث عن كلمة ( Cinema box ) بالمتجر حتى تلكة التطبيق ( ايفوناندرويد )


شركة مسارات عدهم خدمة سيناراما  ( الشيرسينما )

تكدر تحمل تطبيقهم ابحث بالمتجر ( سيناراما )


شبكة النطاق الواسع بروند باند عراق  ( من هنا )

تكدر تحمل تطبيقاتهم تبحث بالمتجر عن كلمة ( شبكة النطاق الواسع )


واكو هواي شركات لاخ على سبيل المثال لا الحصر ( مثل ارض السواد , الشمس , هالة سات , انفنتي , اوكسجين , جيجابايت , الحياة , CNC , دار السلام …. الخ )

تستخدم خدمة فودو ( من هنا )

او تكدر تبحث عن كلمة ( Vodu ) بالمتجر حتى تحمل تطبيقهم

بالنهاية اذا ملكيت الشير او السينما مال شبكتك هنا  تكدر بكل سهولة تخابر ابو البرج او الشركة المشترك وياها حتى يدزلك الروابط


ثانياً : البرامج والتطبيقات

اكو هواي برامج وتطبيقات تكدر تخليك تشوف افلام وتشاهد مسلسلات يعني مينحسبن ابد فاحنة راح نخليلكم البرامج المهمة والافضل تقريباً

انقر على اسم التطبيق راح ياخذك لرابط تحميله

بالنسبة للاندرويد ( Popcorn Mediabox terrarium )

بالنسبة للايفون ( popcorn Mediabox )

بالنسبة للحاسوب ( افضل خمس برامج لمشاهدة الافلام

ايضاً شرح بسيط لمشاهدة الافلام من خلال برنامج للحاسوب (  اضغط هنا )

ايضاً تطبيق وياك لمشاهدة الافلام العربية والهندية ( اضغط هنا )

من خلال هالبرامج تكدر تشاهد الافلام والمسلسلات مترجمات وبالدقة الي تعجبك  وبسرعة زينة البرامج سهلات حيل من ناحية الاستخدام ميحتاج ابد شرح الهن بحيث بس تفتح البرنامج راح تكدر تستخدمه


ثالثاً : مواقع المشاهدة المباشرة

اكو هواي مواقع تكدر من خلالهن تشوف الافلام والمسلسلات بدون برامج وبدون شير وسينما بس المشكلة المجانيات عيبهن الاعلانات المزعجة الي تكرهك بالفلم واغلب المواقع بطيئات واكو المدفوعات الي مراح تلكة بيهن كلشي ببالك ولا احتمال تلكة بيهن ترجمة مثل ( نتفلكس )

طريقة التحميل من موقع شبح مع البرامج(اضغط هنا)

قائمة المواقع :

المواقع ايضاً سهلات الاستخدام وميحتاجن خبرة اذا تشاهدهن اونلاين


رابعاً : الروابط الخارجية ( تحتاج خبرة )

الطريقة كلش صعبة بالنسبة للمبتدئين وبنفس الوقت بطيئة

بالبداية اذا كنت خارج العراق يفضل تستخدم برنامج VPN (اندرويد VPN ) او اي برنامج VPN تحمله من المتجر لان ممكن تعرضك الى مشاكل ويه الشرطة ببعض الدول

اذا كنت تحب تحمل من المواقع مباشرة

مثل موقع ( Myegy او المواقع المذكورة اعلاه ) او اي موقع اخر مثل : Movie direct download shaanig

تحتاج اولاً : برنامج تحميل الفيدوات مثل ADM المتوفر على الاندرويد او Video downloader المتوفر على الايفون تكدر تبحث عليهن من المتجر

وتحتاج برنامج مشغل مثل Mx player في حال اذا كان الفلم ما مترجم تكدر تضيف الترجمة من خلال البرنامج

تكدر تحمل الترجمات من موقع  subscene

طريقة الحصول على رابط مباشر لاي فلم ( اضغط هنا )

طريقة تحويل اي رابط مباشر الى ملف على تليجرام ( اضغط هنا

بعد ما حملت برنامج تحميل الفيديوات وبرنامج تشغيلها وحملت ترجمة

راح اعلمك بشكل مبسط شلون تشغل الفلم

اول شي تدخل لبرنامج التحميل ( ADM – video downloader )

تخلي رابط التحميل الفيديو وتبدي تحملة

بعد ما كملت تحميله تحتاج ترجمة اذا كان ما مترجم اما اذا كان مترجم تكدر تشغلة بال MX player

اما اذا الترجمة مشغالة تحتاج برنامج فك ضغط ( مثل : على الاندرويد RAR – على الايفون IZIP ) حتى تفك ضغط ملفات الترجمة

بعدها تشغل الفلم من الMX player وتختار الترجمة وتشاهد الفلم نفس ما تحب


خامساً : التورنت ( تحتاج خبرة اكثر ) 

اكيد تحتاج خبرة اكثر لان من خلال التورنت مو بس الافلام راح تكدر تشوفها كلشي تكدر تحمل اغاني بنسخها الاصلية برامج العاب ( كلشي بالحياة ) فعل VPN قبل لتستخدم هالطريقة اذا جنت خارج العراق

 

تحتاج برنامج تحميل التورنت مثل ( بي تورنت للاندرويدبار مانجمينت للايفون )

وتحتاج مواقع تورنت ( مثل yifyخليج القراصنة RABAGتورنت عربي )

طريقة استخدام برنامج التورنت على الحاسبة

راح تحمل ملف التورنت – تفتحة بالبرنامج – يحمل الفلم – تشغلة ببرنامج MX player – واذا ماكو ترجمة خطوات الترجمة فوك

شرح فيديو : لطريقة التحميل


 

هيج نكدر نكول كملنا كل طريقة ممكنة لتحميل ومشاهدة الافلام المتوفرة في العراق واذا عندك استفسار او تعديل عالمقالة لا تنسى تراسل صفحتنا عالفيسبوك

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *