اطلاق تحديث ios اي او اس اهم الاشياء وصفات ومميزات و شرح عن تحديث ايفون ابل الجديد الاصدار الثالث عشر 13

قبل اقل الساعة انطلق تحديث ابل الجديد شنو هذا التحديث شنو بي مميزات شنو بي مساوئ تابعوا وياي الحجي الجاي.

اهم شي اجة بهذا التحديث هو 

بشكل عام

ينطي للجهاز شكل جديد ودراماتيكياً بسبب نمط اللون الداكن هاللون هو أحد الاشياء الحلوة بهذا التحديث وهالشي يمثل تجربة حلوة وجديدة, وهو اهم بالنسبة للاماكن الي بيها الضوء منخفض.

وبعد بي طريقة لعرض الصور كلش حلوة وجديدة وحتى التعديل عليها.

ووفروا طريقة جديدة علمود تسجل دخول للتطبيقات والبرامج والمواقع بكسبة زر واحدة.

النظام اجة اسرع واحسن واكثر سرعة لأن صار عليه تحسينات هواي واكثر من اي نظام نزل اقل من هذا وطبعاً هالتعديلات صارت على النظام كلة وبكل نواحيه, واكيد السرعة مطلوبة بهذا الوقت علمود المستخدم ما يمل من يستخدم جهاز وينتظر لأن اكثر شي يخلص صبر الناس هو انتظار الاجهزة والتطبيقات والمواقع.

ومثل ما كلنا نظام اللون الداكن الي هو موجود اصلأ بس سووا عليه تعديلات مثلاً من انت قبل لا تنام وتكعد تكلب بتليفونك لازم يكون اضاءة تليفونك تختلف واقل حدة علمود لا يأذي عينك وطبعاً هالشي انت تتحكم بي تشغلة او تطفي او تخلي تلقائي وية وقت نومك.

الصور و الكاميرا

شغلة جديدة تخليك تلكة الصور اسرع واحسن من قبل بمكان ما تكعد تدور اكثر من 10 دقايق علمود صورة انت ماخذها بوقت ما تعرفها شوكت, يخليك تلكاها اسرع علمود تشاركها.

هاي الصور نفسها تكدر تعدل عليها وهالتعديل حيكون اسهل من قبل واسرع لأن ضافوا ادواة جديدة.

حتى الفديوات راح تكدر تعدل عليها لأن ضافوا هم ادواة جديدة اكثر من 25 اداة جديدة لتعديل الفديو الي موجود داخل الجهاز.

الـ iPhone XR والـ iPhone XS والـ iPhone XS Max ذني الاجهزة وطبعا بدون ذكر جهاز ال11 برو والاصدارات الباقية لأن إلى الان ما اجة, ذني الاجهزة المذكورة سلفاً راح تكون ميزة اضاءة جديد في الكاميرا بوضع الورتريه عند التقاط الصور, وحتى تكدر تقلل وتشدد قوة الإضاءة.

الحسابات والدخول

تكدر من خلال ابل ايدي الخاص بيك تسجل الدخول بشكل اسهل من قبل وتدخل على اي موقع او تطبيق موجود بس لازم يكون الحساب الخاص بيك موثوق.

اكو شي اسمة المصادقة بخطوتين هالشي علمود يحمي حسابك من الاختراق او من العبث, وهم تكدر تخفي بريدك.

وابل ما راح تاخذ منك معلومات على التطبيقات والاشياء الي تستخدمهن وتحلل الشخصية فهل شي راح تكون بمأمن منة.

الاب ستور الاصدار الجديد الي اسمة آركيد

طبعاً مثل ما سمعتوا او لا انه ممكن بإشتراك واحد توصل لهواي تطبيقات مدفوعة ويكون هذا الاشتراك شهري وهاي التطبيقات حتكون بدون اي مشتريات ولا اي شي اضافي داخلها من اعلانات او اشياء تشتريهن.

وطريقة جديدة حتكون بالاب ستور بيها الالعاب والتطبيقات الحديثة والاشياء الخاصة والاشياء الحصرية حيكون هالشي بأزرار جديدة تماماً.

تكدر تلعب بأي جهاز من أجهزة أبل سواء هاتف او ايباد او ايبود او ابل تيفي, وممكن تنزل التطبيقات والالعاب من المتجر او الاب ستور من خلال اشتراك الواي فاي الخلوي الخاص بالسيم كارت, واكو شي جديد حيكون بالتحديثات الي تجي للجهاز, والاهم حيكون دعم للغة العربية والعبرية.

خرائط ابل 

اكو خريطة جديدة راح تنزل اول شي بأمريكا الي حيكون بيها تعديل أكثر على الطرق ويكون الدقة أوضح من قبل ودعم لكل شي موجود بالشارع وحتى طريق الناس الي تمشي عليه حيندعم من قبل الخريطة الجديدة,

واكو ميزة الي هي تخليك انت بنص المدينة بشكل افتراضي يعني ممكن تشوف المدينة طول وعرض وارتفاع الي هي ثري دي الي ممكن من خلالها اعيش الاجواء كأنك بداخل المدينة الي أنت باحث عليها.

وراح تكون اكو قائمة بالاماكن المفضلة الي راح تروح الها او راحيلها او مسوي بيها جيك ان, مثلاً عندك مكان يومية تروح الة هذا الشي راح يساعدك توصل بشكل اسرع.

واكيد راح تندعم السيارات بشكل آني يعني بالوقت الفعلي, ورحلات طيران الي بالوقت الحقيقي وطبعاً حيكون نطق الاماكن من قبل الجهاز احسن.

واكو شريط من خلالة تكدر تضيف تواريخ تواجدك بهذا المكان واشياء تذكرهن او تذكيرات ممكن تساعدك اكثر.

واكو جدولة بهذا الموضوع الي ممكن من خلالة يتم تذكيرك بهذا المكان بالوقت الي مجدول بي.

سيري

اقتراحات اكثر من قبل ابل بود كاستس, وسفاري , واكيد الخرائط.

محطات الراديو الي حتكون مشتغلة فقط بأمريكا او من الممكن تجي للبلدان الآخرى وتحتوي سيري على أكثر من 1000 محطة.

ايموجي ورسائل التطبيقات

ميموجي جديدة بي تسريحات ومكياج وتراجي واشياء حلوة وجديدة ممكن تضيفهن كأيموجي, وطبعاً اكو حزم ايموجي جاهزة ممكن تضيفها على اي جهاز من أجهزة ابل, 

CarPlay

لوحة معلومات جديدة تمامًا في CarPlay تعرض الموسيقى الخاصة بك وانعطافاتك واقتراحات الي تقدمها  Siri الذكية كل هذا بشاشة وحدة.
تصميم جديد تمامًا لتطبيق التقويم يتضمن عرضًا ليومك وخيارًا لقيادة السيارة إلى الاجتماعات أو المشاركة فيها بمكالمة أو الاتصال بمنظمي الاجتماع
تكدر تحصل اغنية اسهل لأن حيكون مثل البوم داخل هاي الخدمة.

ميزة عدم الإزعاج أثناء القيادة متوفرة الآن في CarPlay
الواقع المعزز الي هو يستعمل الذكاء الاصطناعي.

iPhone XR والـ iPhone XS والـ iPhone XS Max 

بالموبايلات الي مذكورة فوق

حيكون اكو قراءة للاشخاص حتى تعرف التطبيقات وين تخلي الكائنات الافتراضية الي موجودة مثلاً بسناب شات او غير برامج.

وطبعاً يقرأ شون راح تتحرك وشنو الاشياء الي تسويهن علمود الشخصية الافتراضية الي هي شي جديد شركة ابل تتحرك مثل ما انت تتحرك.

اتمنى فادكم الشرح وشكراً.