شرح مفصل لطريقة فرمتة الاجهزة قبل بيعها لضمان عدم استعادة ملفاتك 

 

كلنا نواجة تخوف قبل بيع اي جهاز من استعادة الملفات المحذوفة 

فحبينا نشرحلكم طريقة فرمتة الاجهزة بشكل كامل 

الشرح لاجهزة الايفون و لاجهزة الاندرويد

تاكد من عمل نسخة احتياطية لملفاتك بعد عملية الفورمات مراح تكدر ترجع الملفات ابداً

 

1- عمل فورمات لاجهزة الايفون  

اذا تريد تسوي فورمات لاي جهاز ايفون وبدون ارجاع الملفات فالعملية سهلة اكثر من ما تتوقع 

قم بالذهاب الى الاعدادات > عام > اعادة تعيين

 

ثم تقوم بالضغط على مسح جميع المحتويات والاعدادات

 

لتظهر لك رسالة تاكيد بمسح كافة البيانات الموجودة على جهازك 

 

بعدها راح يطفة الجهاز وتظهر علامة ابل تنتضر لمدة قصيرة تتغير حسب كمية البيانات الموجودة بجهازك بعدها راح يشتغل الايفون خالي من اي بيانات

 

الطريقة كلش مضبوطة لاجهزة ابل بحيث لا يمكن استعادة الملفات الا بعد اتصال الحكومة بشركة ابل وموافقة الشركة ( يعني أيس مراح ترجع الملفات بسبب قوة نظام الايفون ) 

 

2- فرمتة اجهزة الاندرويد 

لفرمتة اجهزة الاندرويد لازم تسوي كم خطوة حتى تتاكد من مسح البيانات بشكل كامل  

تاكد من عمل نسخة لبيانات لان بعد عمل الخطوات لن تكون قادر على ارجاع الملفات

الخطوة الاولى : قم بمسح حسابات جوجل الموجودة على الجهاز 

حتى بعد اكمال عملية الفورمات لا يطلب حساب جوجل

 

الخطوة الثانية : قم بتشفير البيانات الخاصة بجهازك 

لان فرمتة الجهاز مراح تكون كافية لضمان ان جهازك مراح ترجع ملفاتة فلازم تقوم بتفشير البيانات من 

الضبط > الحماية > الخزانة او تشفير البيانات تختلف من جهاز لاخر

 

ثم تضغط على خيار تشفير

 

 

قد تستغرق عملية التشفير ساعة او اكثر حسب كمية البيانات الموجودة بجهازك 

 

• لا تشفر البيانات اذا جهازك مروت 
• لا تشفر البيانات اذا شحنك جوه ال80

 

الخطوة الثالثة : قم بفورمات الجهاز 

قم بالذهاب للاعدادات > النسخ الاحتياطي و الاستعادة > اعادة ضبط الهاتف

وفي بعض الاجهزة الاعدادات > النظام > اعادة ضبط > اعادة ضبط الهاتف 

وتقوم بفرمتة الجهاز تنتضر لحد ما يترست الجهاز ويقوم باعادة الضبط تستغرق العملية كحد اقصى 10 دقائق

 

الخطوة الرابعة : انسخ ملفات غير مهمة

بعد ما تعيد ضبط الجهاز واشتغل خالي من الملفات هالخطوات مراح تمنع عملية اسنعادة البيانات

فلازم تقوم بنسخ ملفات غير مهمة للهاتف حتى تملئ ذاكرة الجهاز

مثلاً مجموعة افلام او مجموعة برامج خاصة بالحاسوب 

الفائدة من هالخطوة هو حتى عند القيام بعملية استرجاع الملفات سيقوم بارجاع الافلام او البرامج او اي ملف غير ضروري تقوم بنسخة 

لازم تملئ ذاكرة الجهاز

 

الخطوة الاخيرة : قم بفرمتة الجهاز مرة اخرى 

هالخطوة حتى تمسح الملفات الغير ضرورية الي نسختهن 

حتى تتاكد 100% جهازك مراح ترجع بياناتة عيد الخطوة الرابعة والخامسة مرة اخرى 

 

اي استفسار او مساعدة بخصوص هالشي تكدر تراسل صفحتنا على الفيسبوك 

 

تمت 🙂