مثل العاب ببجي او كول اوف ديوتي وغيرهن هاي اللعبة مثلهن يعني الي يرعف ببجي ممكن يعرف هاي اللعبة هاي اللعبة تصنف من أكثر الالعاب تحميلاً بواقع 41 مليون تحميل للاندرويد وطبعاً للايفون هم يوصل حدود 50 الف مستخدم وتكدر تطلع على الاحصائيات ضمن المتاجر الخاصة بالاصدارين.
ما هي لعبة Garena Free Fire
هي لعبة لازم تبقى بيها عايش أخير واحد مثل ما موجود ببجي وكول, اللعبة بيها اصدارات منها انه يخلوك بجزيرة وحدك كل 10 دقايق ولازم انت تدور على 49 لاعب وياك على نفس الجزيرة, كلهم يدورون عليك. طبعاً انت وين متريد تنزل انزل بالمكان الي يعجبك بواسطة المظلة ولازم تبقى بمكان آمن أكثر فترة ممكنة لحد ما يقل عدد اللاعبين او انت تكتل بيهم وتصير قوي من خلال التخفي والقتل, وتكدر تسوق بالسيارات الي موجودة باللعبة وتشوف الخريطة وتروح لأي مكان يعجبك أو من الممكن تضل داخل الخندق مالتك, وطبعاً تكدر تصير غير مرئي اذا ضليت تتخفى داخل الاعشاب او الاشجار الخضراء, وتكدر تسوي كمين لغير لاعبين او من الممكن ان تقنص اللاعبين من بعيد, بس أهم شي تبقى عايش طول فترة ال10 دقايق.
ببداية اللعب تنزل ما عندك أي شي تروح تدور على سلاح وطبعاً هم لازم تبقى ضمن منطقى ال”زون” اي بما معناه منطقة اللعب وتجمع طلقات وتروح تكتل العدو مالتك وتبقى آخير واحد عايش, وهم بيها دروب الي من خلالة تلكة الاسلحة الجيدة وكل اللاعبين يريدون هذا الدروب.
لعبة سريعة وخفيفة تكدر خلال 10 دقايق تكمل اللعبة وتكتل كل السيرفر بطريقة سريعة وتكدر تسوي سكواد من اللاعبين الي انت رتيدهم او الي تدعيهم, وتطبون سوة وتضلون سوة وتفوزون وتكدر تبدل بالهدوم مالتك وتسوي بدلات حلوة واشياء مختلفة.
طبعاً كل لعبة راح تلعبها تختلف عن الي قبلها والي بعدها يعني مثل ما نكول تلعب لعبة “unique”, التحكم بهاي اللعبة سهلة وتكدر تعدل على طريقة التحكم والرسوم الي بيها كلش حلوة وخفيفة
تكدر تحمل اللعبة من الروابط الي موجودة جوة.
| الاندرويد | الايفون |
| Google Play | AppStore |
