ما هي لعبة فريق الاحلام الخاص بك
لعبة كرة قدم يمكنك من خلالها انشاء فريق كرة قدم خاص بك وذلك من خلال شراء اللاعبين الاساطير وغيرهم, وتكدر من خلال هذا الشيء تسوي التشكيلة الي انت تريدها الي تعجبك بكل مرونة وسهولة, وطبعاً ورا هالشي راح تدخل بطولات عالمية بداخل اللعبة وانت لازم تكون قوي علمود تكدر تفوز على أي فريق يصير كدامك, وبهذا الشيء راح يرتفع تقيمك بداخل اللعبة.
لعبة فريق الاحلام هي لعبة واقعية تقريباً وتكون الرسوم المتحركة الي داخل اللعبة كلش قريبة من الواقع وبيها صور جديدة كل فترة تنزل وبالتالي هي بتحديث مستمر, اللعبة تنلعب بمعدل 60 إطار في الثانية الواحدة يعني سريعة نسبياً.
انت لازم يصير عندك اصرار علمود تفوز على الناس الي يتحدوك وطبعاً اكو جوائز ولازم يكون فريقك هو الأعلى والاحسن بالترتيب وبيها مجموعة من الدوريات هي الي تحدد منو اقوى ومنو يفوز ومنو ياخذ الجوائز.
راح تفوز بهواي جوائز وكؤوس وكأنما بالواقع وميداليات ذهبية وغيرها هواي من الجوائز بس اهم شي لازم تحدث فريقك بأستمرار علمود لا يضعف بمرور الوقت.
مميزات لعبة Dream League Soccer لعبة فريق الاحلام
1- تكدر تسوي فريق كاامل خاص بيك وانت تتحكم بي من كل النواحي.
2- بيها 6 اقسام خاصة بهاي اللعبة وأكثر من 7 مسابقات كأس تكدر تفوز بيهم بالموسم الواحد.
3- تكدر تشارك بهاي الفوز وتستلم الجوائز بواقعية جيدة.
4- تكدر تبني ملعب خاص بيك وتعدل عليه من كل النواحي وهذا شيء كلش حلو.
5- تكدر تطور على اللواعيب الي عندك من كل النواحي الدقة والضربة والدفاع والهجوم وطريقة اللعب بالتالي ما راح يضعف الفريق عن طريق تطوريهم.
وتكدر كل موسم تفوز بالجوائز القيمة, وتكدر تعرف منو اعلى واحد من قائمة المتصدرين الي موجودة بحسابك وتشوف الانجازات الي عدهم والي وصولوا الها وتقارنها مع انجازاتك الموسمية.
تكدر تحفظ الفريق مالتك على حساب الابل ستوري مالتك وحتى اذا بدلت جهازك اللعبة راح تبقى عندك بأي جهاز تحط الحساب بي, اللعبة بيها موسيقى تصويرية كلش حلوة.
طبعاً اللعبة مجانية
رابط تحميل اللعبة للايفون
