من الممكن ان تعتبر العاب سباقات السيارات من الالعاب الأكثر لعباً, 8 اشخاص من 10 يحبون العاب السيارات بسبب الحماس الي تسوي هاي الالعاب وكل ما جانت دقة اللعبة والواقعية أكثر كل ما جانت اللعبة أكثر رغبة من المستخدمين لذلك راح ننطيكم افضل خمس العاب سيارات لكلا النظامين.
1- لعبة سباق سيارات اسفلت asphalt 9 legends
منو من الناس ما يعرف اسفلت او ما مار عليه اسم هاي اللعبة لأن هاللعبة تعتبر من أكثر الالعاب السيارات واقعية بالموبايل, عن طريق التجربة طبعاً تكدر بهاي اللعبة ان تشتري السيارات و اكو هواي انواع منها بوغاتي, رانج, بي ام دبليو, فيراري, شوفرليه, اودي, وغيرها من السيارات الهواي الي ما يخطر على بالي اسمها حالياً, تكدر تشتري غراض للسيارة مالتك الخاصة وطبعاً الغراض او قطع الغيار تشمل تكبير حجم المحرك الطلاء التايرات النايترو وهواي اشياء ثانوية, وطبعاً بيها أكثر من 20 مدينة تكدر تتسابق بيهن صحرا او ثلج او ادغال او حتى بشكل خيالي اكو مراحل تطير بيهن, ولا تنسى تدوس النايترو وتطلع الأول.
ما متوفر نفس هذا الاصدار مهكر لذلك جبت الكم نفس اللعبة تقريباً نسخة معدلة تكدر تحملها منا “للاندرويد فقط”.
تكدر تحملها من كوكل بلي منا
او تحملها من اب ستور منا
2- لعبة سباق سيارات Asphalt Xtreme
اللعبة هاي مشابها لـ لعبة اسفلت الي قبلها بس بيها شوية تغييرات خل نحجي على اللعبة بشكل عام.
دور حول حلبات السباق وسوي تعديلات على سيارتك وسوي درفتات خلال السباق علمود تحصل على فلوس وبنفس الوقت تحصل على النايترو, اوصل لخط النهاية قبل كل الناس وفوز بالسباق, طلع عضلات سيارتك وعضلاتك وفوز بالسباق القوي وهم موجودة أكثر من نوع سيارات تكدر أكو 7 مضامير سباق وكل وحدة تختلف عن الثانية وبيها اشياء تختلف عن الثانية وكل واحدة الها طريقة للفوز بيها, السيارات الي متوفرة بهاي اللعبة جيب, فورد, مارسيدس بينز, دوج, شوفرليت, وغيرها من السيارات والماركات.
وهم ما لكيناها مهكرة وجبنا وحدة تشبها ومعدل عليها للاندرويد.
رابط تحميل اللعبة كوكل بلي
رابط تحميل اللعبة اب ستور
3- لعبة سباق سيارات Crazy for speed
بهاي اللعبة راح تواجه أكثر الطرق رعباً وخطورة, راح تتسابق بكل العالم من جبار الالب إلى طريق كواستل بفينيسيا, لصحراء نيفادا, إلى رطوبة الامازون, الى الاسفلت مال موناكو, ومدينة طوكيو والثلج مال هملايا, والليل مال لندن وغيرها من الطرق الحلوة والمغامرات الحلوة.
غير لون سيارتك و كون من اعظم المتسابقين بالعالم لأنك راح تواجه كل المتسابقين من كل العالم وتكدر تختار السيارة الي تعجبك وحسب البراند الي تريدها وطبعاً راح تعدل عليها وتكدر تسوي درفت او ممكن تصتدم بأي حائط, زود سيارتك بالنايترو وسوق بسرعة جنونية بسباق مجنون بمضمار مجنون.
رابط تحميل اللعبة مهكرة للاندرويد
رابط تحميل اللعبة كوكل بلي
رابط تحميل اللعبة اب ستور
4- لعبة سباق السيارات Need For Speed
هواي مار علينا اسم هاي اللعبة الي هي نيد فور سبيد بس هالاصدار الجديد الي اسمة “الاكثر طلباً” هو أكثر اصدار وأحسن اصدار تم تحميله من قبل مستخدمين الموبايل للمتجرين بس المشكلة هنا ما متواجد بمتجر ابل بشكل مجاني جبنا اصدار عسى ولعل يحمل عند بعض المستخدمين
رابط تحميل لعبة الايفون المدفوعة
رابط تحميل لعبة الاندرويد العادية
تحميل اللعبة مهكرة للاندرويد
تحميل الداتا مال الاصدار المهكر
5- لعبة سباق السيارات CarX Drift Racing
أكثر من 30 مليون لاعب منزل هاي اللعبة وهذا الاصدار واللعبة مبينة من اسمها انه من الممكن عمل الدرفتات او اعطاء مهمات للشخص لعمل درفتات وأكيد اللعبة بيها الاون لاين الي تكدر من خلالة تتصل وية الناس الي موجودين بكل انحاء العالم.
رابط تحميل لعبة الاندرويد العادية
رابط تحميل لعبة الايفون العادية
رابط تحميل لعبة الاندرويد المهكرة
رابط تحميل الداتا مال الاصدار المهكر
