لعبة الخبيث او جيران من الجحيم كل الاصدارات للاندرويد والايفون
جار من الجحيم
لعبة الجار الخبيث او جار من الجحيم للنظامين الاندرويد والابل والي تكدر تنزلهن بشكل مجاني من متجر ابل وسوق بلي
شنو هي لعبة الجار الخبيث
هاي اللعبة هي صح شوية قديمة بس شنو أحلى لعبة بوقتها وما نزلت وراها لعبة مثلها من ناحية الفكرة والاشياء الي بيها من مصائب من اشياء حلوة, يعني تخيل انت تطب لبيت واحد من جيرانك الي هو عبارة عن رجال جبير بالعمر كلش وما مزوج بالجزء الاول عندة اهم شي يتونس لأخر حد ممكن, انت تدخل بدون ما يدري تخبث عليه بكل ما عندك من قوة وكون تصير سريع بلعبات الخباثة علمود الغضب مالتة ما ينزل ويوصل مية وينطيك جائزة ذهبية على هذا الشي لأن الغضب اذا ما وصل شي كامل ينطيك فضي واحتمال ما ينطيك اي شي, وانت بهاي الحالة راح تستعمل كلشي ممكن بالبيت علمود تضوجة, ومرات لازم تسوي تكنيك شون تحط افخاخك.
الجزء الاول من الجار الخبيث
هذا الجزء يكون الشخصيات قليلة مثلاً راح تكون انت وهو الجار والكلب مال الجار طبعاً الكلب مال الجار يشوفك عادي بس يضل ينبح ويخلي الجار يجي ويشوف شصاير وتخيل هو هلكد ما يضوج يرزل الجلب, او مثلاً موجودة صورة امة او الحمام الي هو يروح الة, وغيرها من الاشيا الي انت راح تكتشفهن داخل اللعبة, بالمناسبة هنا راح تلعب بالبيت مال الجار الي انت تخبث عليه فقط بالبيت واحتمال ما راح تستعمل اكثر من 4 اماكن الي هن غرفة يشوق بيها تلفزيون مطبخ هول وحمام.
التحميل
الجزء الثاني من الجار الخبيث
هنا راح يكون شوية اطور بحيث يروحون هو ومرتة واعتقد ام مرتة او امة وابنة الي هو كلش كلش وكح سفرة لجزر المالديف وانت هنا راح تخبث عليه اكثر من قبل ويكثر عدد الاشياء الي تكدر تسويهن عليه, يعني بالجزء الثاني المتعة فول وعالية, يروح قبلها لمكان اشبه بالسوق الشعبي الي بي اماكن وشغل يدوي, هي اللعبة اصلاً مصنعة كلعبة قديمة يعني مو اشياء حديثة بيها, اشياء كلش عادية وطبيعية.
التحميل
اللعبة كلش حلوة من ناحية التصوير والافكار والاشياء الي تصير عليك وعليه وانت لازم تفكر هواي يلا تكدر تلكف الحل مو بسهولة تلكفة ولا تنسى لازم تكون سريع
