برنامج يخليك تسوي ايميل مشفر وقوي وآمن بشكل كلش سهل وسريع مستحيل أحد يكدر يقرا فقط المرسل والمستلم
شنو هو برتون ايميل
هي أكبر خدمة بريد الكتروني مشفرة بالعالم وعدها أكثر من 100 مليون مستخدم, يوفرلك تشفير كلش قوي من خلال دمج تشفير PGP, وواجهة استخدام التطبيق كلش حلوة من ايماءات او ارسال رسائل البريد.
يضم هذا البرنامج ناس من كل انحاء العالم الموقع او التسحيل تم انشاءه من 2013 يعني بالوقت الحالي مو بالوقت القديم وهواي ناس من كل العالم حبوا هذا التطبيق وهذا الايميل الجديد الآمن, تم انشاء التطبيق من خلال حملة تبرع حوالي 55 شدة, يعني اكثر من نص مليون دولار, وتكدر من خلال هذا التطبيق تسوي ايميل خاص بيك ممكن تعتبرة وهمي او بمكان ما تروح تسوي ايميل بالكوكل.
ليش استخدم بروتون ايميل
- الرسائل الخاصة بيك تضل آمنة ومحد يكدر يشوفها.
- تشفير قوي كلش.
- سهل الاستخدام وسريع والتشفير يتم بدون ما يشوفة المستخدم.
- الرسائل تتم خزنها بشكل مشفر علمود التطبيق نفسه ما يشوف رسائل.
- مصدر مفتوح للمفتشين من العالم.
- مجاني بشكل كلي 100%.
- التطبيق مستضاف من دولة سويسرا بأفضل قوانين خصوصية بالعالم.