نظراً للوضع الحالي نتيجة وباء كورونا وحظر التجوال الناس صار عدهم وقت فراغ كلش جبير, اكو هواي ناس يحبون يسوون شغلات بايدهم سواء من الخشب او من الحديد او البلاستك اليوم وفرنا الكم موقع يعلمك خطوة بخطوة بالصور شلون تسوي تقريباً اي شي يخطر ببالك من بيت زجاجي الى سنادين للزراعة الى ديكور للحديقة والبيت والسطح الى الملابس وحتى الالكترونيات!
تقريباً أي شي يخطر ببالك وتحب تصنعة تلكه شرح بالتفصيل والصور خطوة بخطوة لـ شلون تسويه بنفسك.
الموقع حتى يوفر شرح خطوة بخطوة لصناعة الاثاث المنزلي كرسي, قنفة, ميز طعام أي شي يخطر ببالك
تكدر تتصفح الموقع وتشوف الشروحات الموجودة حتخطر ببالك هواي شغلات تكدر تسويها بهل فترة :”)
طريقة استخدام الموقع بسيطة بمجرد الدخول عليه راح تلكه المشاريع الرائجة بهل وقت يتغيرن باستمرار وتكدر تسوي بحث (Search) على الشي الي تريد تصنعه مثلا تكتب (Sofa) أي قنفة وحتشوف المشاريع الموجودة وطريقة عملها.
الموقع باللغة الانكليزية طبعاً لكنه مبسط للغاية ويمكن الاعتماد على الصور فقط.
رابط موقع instructables:
اضغط هنا
