لعبة تنقيب عن الالماس او البحث عن المجوهرات دياموند كويست للايفون والاندرويد.
ما هي لعبة دايموند كويست
تعتبر اللعبة من أجمل العاب المغامرات والإثارة الي متوفرة الان على المتاجر بشكل مجاني, بعد إصدار لعبة “بوكيت” الي جانت مثل هاي اللعبة بس اصدار أقل او أقدم, بعد التحديث أجة هالاصدار الي بي مميزات حلوة وتختلف عن اللعبة القديمة بهواي تفاصيل.
اللعبة عبارة عن جمع الالماس بمختلف الظروف والبيئات القاسية والحلوة يعني من الممكن أنه تدخل للغابات الي صارت بيها حرب وتلكي بيها الالغام مال الحرب او من الممكن تروح للصحاري وتلكة بيها أنواع مختلفة من الوحوش الي توكف بطريقك وهذا كلة بشكل متسلسل ومن الممكن أنه تدخل بالثلج وتلكة وحوش الثلج هم تعترض طريقك وهذا الشي الحلو بيها وكل هاي مثل ما كلنة غرف وحدة ورة الثانية وبعد كل غرفة لازم تدور مكان تطلع من عندة علمود تنتقل للغرفة الي بعدها وهكذا إلى أن توصل إلى وجهتك.
خلال هاي الرحلة لازم تجمع المجوهرات وشون تجمعهن عن طريق تقطيع الاشجار او اغصان الاشجار او بيوت العنكبوت الي موجودة على المجوهرات ومانعة انه يتقرب عليها أحد.
مثل الاصدار القديم اكو صخور لازم يتحركن ويكتلن كل وحش يتحرك بشكل بطيئ وبالتالي تكدر تكتل هاي الوحوش, ومن الممكن ان هاي الصخور تكتلك فلازم ما تخلي الصور يجن عليك.
مميزات هذا الاصدار
اول شي من ناحية الالوان او من ناحية الرسوم والجرافيك فهي كلش كلش احلى من الاصدارات القديمة من ناحية كون ثري دي بدقة اعلى وكون الالوان مختارة بشكل كلش حلو وبهدوء.
اكو تحديات جديدة موجودة داخل اللعبة انت تكدر تسويها وتتحدى نفسك انه تكدر تسويها, وكل هاي وبعد اكو الغاز لازم تحلهن أكثر من 100 لغز.
من الممكن ان مرحلة من المراحل لازم تنعبر بطريقة وحدة فأنت لازم تعرف الطريقة الصحيحة لعبور هاي المرحلة وبالتالي راح تكدر تحل لغز من الغاز هاي اللعبة.
أكو نوعين من الاسلحة او المطارق موجودة داخل هاي اللعبة الي هن مطرقة ثلجية تجمد الاشياء والوحوش, مطرقة تفليش تلفش الحائط الضعيف.
رابط تحميل اللعبة
للاندرويد
للايفون
