لعبة المزرعة هاي دي هي من الالعاب الي تنلعب اون لاين موجودة للنظامين اندرويد وايفون على المتجر وبشكل مجاني
هاي اللعبة هي من اللعبات القديمة الي نزلت بوقت ما جانت اكو المزرعة السعيدة الي موجودة على الفيس بوك فقط جانت, وراها المزرعة السعيدة انتهت اجة دور هاي الي هي شبيها الها, بس هاي دي اجت على الموبايل ذيج جانت فقط على الحاسبة فمن نزلت بوقتها جانت هي الوحيدة من الالعاب الي تكضي بيها الوقت وطبعاً كلشي بيها شبيه للحقيقي.
لازم تسجلها بالفيس علمود تضمن انه اللعبة من راح تنقلها لغير مكان ما عليها شي او تربطها بالايميل مالتك, من تجي تريد تلعب هاي تكول شنو بيها من مميزات شنو اكدر اسوي داخل هاي اللعبة شنو بيها وما موجود بغير لعبة, نشوف المميزات مالتها شنو.
مميزات لعبة هاي دي
- لعبة مضمونة النقل مالتها عن طريق الايميل او الفيس بوك, يعني ما تخاف اذا صار شي بجهازك واضطريت تفرمتة.
- اللعبة مبنية كواقعية او قريب الها من حيث الاشياء الي تصير داخلها وابسط شي كوقت.
- هي بيها اكثر من مكان واحد يعتبر المزرعة الي من خلالها تكدر تزرع كل انواع البناتات الي موجودة بالعالم تقريباً من فواكه من خضروات, وتكدر تجيب بيها حيوانات بأنواعها من كلاب حراسة من احصنة من انواع المنتجة كالدجاج والاغنام والابقار, وتكدر تنطي الجمالية الها عن طريق الشراء يعني تكدر تشتري سياج تفصل بي المكان الي تريد تزرع بي عن المكان الي تريد تححط بي الحيوانات عن باقي الاماكن, وطبعاً بي المكان الثاني الي هو المنجم الي من خلالة تكدر تطلع الذهب والحديد وغيرها من المعادن.
- المكان الثاني الي هو السفينة هاي السفينة هم الها خصائص هي بشكل عام خاصة بالمهمات يعني مثلاً يطلب منك انه تجهز هلكد عدد من هذا المنتج وانت تجهزة.
- المكان الي بعدة الي هو مكان صيد السمك, طبعاً هم عندك سنارة وتصيد بيها يدوياً يعني شي كلش حلو.
- وبما انه هي اون لاين يعني تكدر تلعب وية اصدقائك او وية غير ناس الي راح يعتبرون جيرانك, او الي منزلها وموجودين عندك بالفيس.
- وبيها بعد المهمات اليومية الي هي تكون عبارة عن سيارة وسبورة بيها المهمات.
- الحظيرة مالتك لازم ما تنترس ودائماً تحدثها علمود لا تيصير عندك نقص.
- مكان البيع الي تبيع بي الاشياء الي ما تحتاجهن من الحظيرة.
وغيرها من المميزات الهواي الي تخليك تلعب هاي اللعبة الحلوة.
