fbpx
العاب الاندرويدالعاب الايفون

لعبة ماريو اصدار الركض الجديد

ماريو

لعبة ماريو الي اغلب الناس يعرفوها وهاي اللعبة نازلة قبل اكثر من قرن من الزمن والي جان عندة أحد انواع “الاتاريات” راح يعرف شنو هاي اللعبة.

ما هي لعبة ماريو الجديدة

هاللعبة تكدر تلعبها بأصبح واحد او بأيد واحدة يعني ممكن التحكم يصير سهل كلش وبشكل بسيط, تكدر تتحكم بماريو عن طريق المشي للامام او الضغط للمشي, وتكدر تطب بالانابيب او تسوي قفزات بالجو او تسوي حركة.

من خلال هاي اللعبة راح تظل تمشي للامام او تقفز بالجو وتمر بأكثر الاماكن خطورة علمود تنقذ الاميرة وتمر بالقلاع او بالحدائق وتمر بالغيوم او تحت الارض كل هاي لازم انت تجتازهن علمود توصل للهدف الي انت تريدة وتنقذ الاميرة.

تكدر تلعب هاي اللعبة 24 ساعة بدون ملل لأن كل شوية راح تمر بمرحلة احلى من الي قبلها ولازم تنتظر الأميرة بالقلعة مالتا او القصر وتكدر خلال اللعبة تجمع 3 انواع من العملات المعدنية الي تكدر تشتري بيها, او تكدر تتحدى جماعتك الي عدهم نفس اللعبة هاي وتشوف منو ياخذ اعلى النقاط او الدرجات بالمراحل المختلفة.

بالاصل اللعبة تحتوي على 10 انواع من المراحل وكل مرحلة تختلف درجة صعوبتها عن الي قبلها بس كل ما راح تلعب راح تتحدث اللعبة وما راح تكون عندك لعبتين نفس المرحلة او نفس الاشياء لأن دائماً راح يكون هناك اشياء مختلفة عن المرحلة الي قبلها او لنفس المرحلة, وبهاي الحالة راح تلعب لعبات جديدة بكل دخول.

تكدر من خلال التجميع “تجميع العملات النقدية” تشتري قلعتك الخاصة او تبنيها لأن اكو اكثر من 100 نوع من الاشياء تكدر تشتريهن لمالتك القلعة الي راح تبدي بيها من الصفر وتسويها وأكيد ما راح تتشابه قلعتك وية غير قلعة او وية خصمك او صديقك.

هاللعبة هي احدث اصدار لنوعية ماريو لأن اكو نوعية نزلت قبل فترة الي هي سباق سيارات ماريو بس اللعبة هاي كلش حلوة وانصح بيها لأن تحاكي بشكل كبير اللعبة القديمة الي جنة نلعبها.

وتتوفر اللعبة على النظامين الايفون والكلاكسي

رابط تحميل اللعبة من الاب ستور:-

AppStore

رابط تحميل اللعبة سوق بلي:-

Google Play

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *