احلى الالعاب هي الالعاب الاستراتيجية الي تبني بيها اشياءك الخاصة من الصفر وتصعد بيهن, اذا جانت لعبة حرب او اذا جانت لعبة تكوين او لعبة بناء وتطوير وطبعاً حرب مثل لعبة “ريد اليرت” الي جانت متوفرة على الحاسبة فقط, او مثل كلاش او كلانس وكلاش رويال, او العاب مثل المزرعة السعيدة او غيرها من الالعاب الي تبني بيها الاشياء حسب ما انت تريد.
لعبة مدينة او بلدة او قرية التنانين هم لعبة استراتيجية هم تبدي تبني بيها من الصفر وتصعد وهم تسوي مدينة خاص بيك من التنانين وتسويهن وتكبرهن وتدربهن, وأكيد بيها حرب هاي اللعبة.
انت من البداية عندك بيض التنين مثل ما الاسطورة تكول انه التنين يبيض فهذا البيض من يفقس ويطلع عندك تنين صغير وانت تكبرة وتدربة وتخلي يصير بالشكل الي انت تريدة من ناحية القوة والسرعة, انت بهيج حالة لازم تهتم بيهن وما تخليهم يجوعون او ما ترعيهم وبالتالي ما راح يصيرون بالمستوى المطلوب, تسوي جزيرة الم وية أكثر من 20 مبنى مختلف للتنانين وطبعاً الديكور الي لازم تكون معتني بي من كل النواحي, أكثر من 600 نوع تنين تكدر تسويهن وتطورهن وتخليهن بمجموعتك الخاصة.
التنين اول ما يفقس من البيضة ما يعرف اي شي عن القتال والمعارك لذلك لازم انت تكون موجود وياهم علمود تساعدهم يصيرون محاربين, وتسويهن ابطال خاصين, مو بس تبني القرية وفقط انما تسوي مهمات بيهن وتساعدك هاي المهمات على الصعود بالمستوى.
اللعبة هي لعبة اون لاين يعني لازم موجود الانترنت ليش لأن تحتاج الانترنت من ناحية الاصدقاء من ناحية التخزين الخاص, وبيهن اشياء يصيرن كل موسم, وكل موسم او مهمة راح يصعد مستواك وتكدر تطور التنانين الخاصة بيك.
تكدر تكون صداقات او تكون ما يعرف بكلان خاص بيك وبالاصدقاء الي موجودين على هاي اللعبة وتتبادلون الاشياء والسلع والهدايا السحرية
اللعبة بيها رسوم حلوة والالوان حلوة وطبعاً اللعبة يكدرون يلعبوها من عمر 12 فما فوق وحسب احصائيات الكوكل بلي تم تحميل هاي اللعبة من قبل 2.4 مليون مستخدم, و69 الف مستخدم من الاب ستور
تكدر تحمل اللعبة من الروابط الي موجودة جوة.
| الأندرويد | الأيفون |
| Google Play | AppStore |
