برنامج حماية للايفون وكل تطبيقات نظام الاي او اس تكدر من خلال هذا البرنامج تحفظ ملفاتك صورك فديواتك وتطبيقاتك وكل المعلومات المهمة الموجودة عندك تكدر تحميها.
ما هي فائدة برامج حماية الملفات؟
اذا انطيت موبايلك لواحد يخابر بي ما تخاف يدخل لغير مكان او مثلاً اذا صادفت فد يوم وانت فاتح موبايلك اجة واحد من الناس خل نكول حرامي واخذة منك وانت دتكلب بي طبعاً بهاي اللحظة الرمز مفتوح زين يعني يكدر يوصل لاي شي بي بس اذا انت حاط واحد من برامج حماية الملفات والتطبيقات وقافل التطبيقات برمز وحاطلهن امان ثاني مراح يستفاد شي منة وطبعاً هالشي كلش مهم بالنسبة للناس الي “ينسون”, واكو غير اسباب بس ننطيكم الشي البسيط.
وصف برنامج حماية الملفات
البرنامج هذا يعتبر من أكثر البرامج تحميلاً يعني تقريباً 400 مليون شخص منزلة وهذا عدد مو قليل مقارنة ببرنامج حماية ملفات يعني مو برنامج اساسي, وبي اكثر من 40 لغة.
شنو تكدر تقفل ببرنامج حماية الملفات
تكدر من خلال هذا البرنامج تقفل كل من الفيس والواتس اب وماسنجر وسناب وانستا وجهات الاتصال والجيميل والاعدادات والمكالمات, وتمنع اي وصول غير شرعي لكل ذني, ويبقن بآمان, وتكدر تخفي الصور والفديوات وحتى المذكرات وغيرها من الاشياء هذا الحجي تقفلهن نمط او بصمة او رمز.
شون ممكن اغير رمز او افتح الرمز اذا نسيت كلمة المرور؟
اولاً تحدثة آخر اصدار وتدخل للبرنامج بس قبل كلشي لازم من تسجل تحط رمز وتحط سؤال امان علمود امكانية استرجاع الرمز تصير أكبر وبالتالي ما راح يضيع منك شي ولا راح تنسى شي.
مميزات برنامج حماية الملفات
1- قفل التطبيقات برمز او بصمة او نمط.
2- اخفاء الصور والفديوات من العلن.
3- التصميم جميل جداً.
4- تكدر تتصفح بشكل مخفي وبدون تاريخ تصفح.
5- اذا حاول واحد يفتح الرمز يطك صورة الة.
6- تكدر تفعل القفل التلقائي بوقت.
7- تخفي الايقونة مال البرنامج.
8- الكيبورد يكون بشكل عشوائي علمود لا واحد يعرف.
9- قفل المكالمات بكل انواعها.
