من البرامج المهمة في حياة المصورين أو الي يمنتجون الصور او الفديوات او الناس الي تشتغل لوكوات للشركات او الناس الي تحب ترسم رسم الكتروني كل هذا هي ببرامج الادوبي وهي برامج صعبة بس بمرور الوقت وكثرة الشغل عليها راح تصير عندك سهلة وتكدر تبدع بهاي البرامج
برنامج فوتوشوب للرسم اليدوي
يعني تكدر ترسم بأصبعك بهذا البرنامج وتكدر تستخدم الاقلام للأجهزة الي بيها اقلام أو تشتري قلم خاص بالجهاز الي عندك طبعاً هالشي كلش حلو أنه انت تكدر ترسم شنو ببالك لأن مرات بعض البرامج ما تنطيك الامكانيات الي انت تكدر تسويها بهذا البرنامج
تكدر ترسم بأقلام الرصاص والأقلام الأخرى وتكدر تمسح بشكل بسيط وتستخدم الأكريليك السيمك او الحبر او الباستيل الناعم وتكدر تلون بكل الألوان المائية حتى تسوي عمل فني حلو وبعدها تدزة لأحد البرامج الي هي ادوبي فوتوشوب او ادوبي الوستريتور.
مميزات البرنامج:
- تكدر تضبط الاعدادت الكاملة من حجم ولون ومز الوان وتعتيم اللوحة.
- تكدر تنشأ فرش رسم حسب النوع الي انت تريدة بلا حدود.
- تكدر تضيف أكثر من طبقة للعمل الواحد سواء رسم أو صور.
- تكدر تنظم أدواتك والألوان الخاصة بك بشريط الأدوات.
- تكدر تستخدم البرامج الخاصة بأدوبي.
