أكثر الاجهزة منها وبيها يعني تجي من الشركة بيها برنامج اسمة ملاحظات وتكدر تسجل عليه اي ملاحظة تريدها زكر اي شي نصي مو صور او فديوات, وهذا البرنامج ما يوفر الك طريقة عرض حلوة او ترتيب حلو مثل هالبرنامج الي اليوم اختارينا الكم الي هو ايفيميت, هالبرنامج كلش حلو وكلش مرتب.
ممكن تعتبر هذا البرنامج هو دفتر ملاحظات الك مكتوبة, تكدر تكتب هالملاحظات بخط ايدك وتطك الهن صور او ممكن تكتب بالجهاظ وطبعاً تكدر تضيف الصور ومواقع, وحيكون هالتنظيم حلو ومرتب وتكدر تشاركة وية اي شخص تريد, وحتى تكدر تربطة على أكثر من موبايل.
مميزات:
- كتابة الملاحظات والتقارير والمذكرات والافار والمراجعات والمهام في دفتر ملاحظات قابل للبحث بي.
- تكدر توثق كلشي يصير وياك بحياتك اليومية او أحداث العالم.
- طبعاً تكدر تعدل وتنسق الاشياء الي تكتبهن بهذا التطبيق من صور ونصوص ورسوم وصوت وفديو.
- تكدر تحفظ الاشياء النصية او ممكن أخذ سكرين للكتابة حتى اذا جانت خط اي ممكن حفظها.
- وتكدر تخلي ملفات مثل وررد او بي دي اف وصور.
- تكدر تسوي أكثر من دفتر تنظيم.
- تكدر تسوي مزامنة للمعلومات الي موجودة بالحاسوب او الهواتف او اي جهاز لوحي.
- تكدر تشارك اي شي تكتبة بهذا البرنامج لأي شخص.
