اذا فد يوم حسيت أنه جهازك بدة يهبط او بدة الشحن مالتة يصير موزين وردت تعرف السبب منين شون راح تعرف؟ اكيد راح تبدل شاحنتك لو تبدل بطارية الجهاز, او مثلاً مرات جهازك يشحن سريع ومرات لا بطيئ شون تعرف لازم تنتظرة وتشوف بس اكو برنامج يسوي كل هاي الاشياء وحدة بس عليك تنطي الاوامر علمود يختبر جهازك والشاحنة والكيبل وينطيك التقرير.
بس هالبرنامج ما راح يدعم أجهزة اج تي سي وبعض الايبادات, الخلل مو بالبرنامج الخلل بالموبايل الي هو مابي شريحة القياس الي موجودة بأغلب الأجهزة الحديثة.
اهم شي انه هالتطبيق راح يساعدك على اختبار جهازك, تقريباً بعد دقيقة راح يطلعلك الشحن والنسبة.
هالتطبيق يعتمد على :
- الشاحن الخاص بيك.
- كيبل الشحن.
- نوع موبايلك.
- الاشياء الي مشغلهن.
- درجة سطوع شاشة الجهاز.
- الاشياء الي فاتحهن مثل بلوتوث او واي فاي او جي بي اس.
هاي القراءات مو رسمية ما تكدر تعتمدها بشكل رسمي وتروح تطالب الشركة بالموضوع, بس هي تكدر تقيس الك جودة الكيبلات والشاحنات.
بعض أجهزة سامسونك ما تقبل بهذا الشي بسبب الشركة المصعنة.
يشوف اذا جهازك بدون استخدام شكد يصرف ووية الاستخدام شكد وليش ديصرف يعني ينطيك الموضوع الي ينصرف عليه هذا الكممن الشحن وطبعاً اذا جانت البطارية متصلة بالشاحنة او لا اذا متصلة يكون موجب واذا لا يكون سالب.
طبعاً اذا ضليت حاط الموبايل على الشحن وهو 100% راح تضعف البطارية
