تحميل اجمل لعبة My Cafe لانشاء كوفي او مقهى خاص بك لل كلاكسي الاندرويد
تنزيل اجمل لعبة My Cafe انشاء كوفي او مقهى خاص بك لل كلاكسي الاندرويد
لعبة المقهى او الكوفي الخاص بك هاي اللعبة عندي وياها تجربة شخصية يعني اني منزلها صار سنة تقريباً وواصل بيها مرحلة زينة وكدرت اجمع فلوس واشتري موظفين اكثر من واحد وثنين الي موجودين وطبعاً لعبة كلش حلوة اذا جان عندك وقت فراغ وانت بس تخيل تكعد تبني كوفي وتحجي وية الناس وتشوفهم شيردون ومن تبدل اثاث المطعم او الكوفي تكدر تبيع الاثاث الزايد
لاعبينهاي اللعبة هم اكثر من 50 لاعب بكل العالم وطبعاً اكو ناس تعرف شون تتصرف علمود تربح فلوس اكثر.
تكدر بهاي اللعبة تسوي كوفي خاص بيك وتطورة وتكبرة وتشتري المساحة الي لازم تشتريها علمود توسع شغلك.
وطبعاً تكدر تستخدم الفلوس الي تربحها تشتري بيها اكثر من 100 نوع من الغراض وتكدر تبدل عمالك او تشتري جدد.
وطبعاً تكدر تحدد الاسعار الي تريدها على الشغلات الي تبيعها واكو مقياس اذا جان السعر هذا مقبول او لا
والي يحب يفتح مقهى وماعندة فلوس يجي يفتح هاي اللعبة ببلاش متحتاج بس نت
وتكدر تبدل ديكور المطعم كراسي وحايط ومناظر طبيعية والخ كل ذني تكدر تستخدمهن وتجيب الستايل الي يعجبك اكو امريكي وصيني وياباني واسباني وايطالي
طبعاً الحياة بهاي اللعبة كلش حلوة يجيوك الناس تحجي وياهم وتنطيهم النصائح الي يسألوك بيها ويجي واحد يسوي وياك لعبة ولازم انت تكون عندك كم معلومة علمود تكدر تجاوب وينطيك فلوس واكو اشياء اسمها الوجبات السحرية او الوجبات النادرة الي تستخدم بيها نوع من انواع النباتات الي يكون الحصول عليهن شوية صعب لأن اكو مهمات لازم تسويهن علمود تحصل عليهن.
وبعدين راح تكدر تطور مشروعة وتفتح مطعم بغير مكان على الخريطة الي موجودة عندك
واهم شي بهاي اللعبة طريقة التحكم حلوة
