برنامج لتبديل كيبورد الموبايل الخاص بيك وهو برنامج ذكي يكدر يحفظ طريقة الكتابة الخاصة بيك
الناس تريد تبدل اشياءها بأستمرار لأن ما يحبون يبقون على نفس الشي الروتيني وهذا الشي يخلي الناس تمل من تليفوناتها, مثلاً أكو ناس تحب تبدل تليفوناتها اكو ناس تحب تبدل خلفيات الخاصة بتليفوناتها او تبدل الكفر مال الجهاز يعني كل واحد يحب يبدل شي بالتالي كلهن معرضات للتبديل ولازم أكو بديل لهل اشياء, أكو فئة من الناس يحبون يبدلون كيبورد موبايلهم او يستخدمون موبايلهم بالطريقة الي تخليك تستثمر موبايلك بأعلى طاقة.
ما هو برنامج سويفت كي
برنامج سويفت كي يوفرلك امكانات لا تضاها يعني ما تتقارن وية غير برامج, طبعاً عدد الناس الي محملين هالبرنامج هو أكثر من 3 مليون مستخدم وبتقييم 4.4 من 5 يعني خل نكول البرنامج درجة اولى من ناحية الشي الي يُستخدم الة, وهو من تطوير شركة مايكروسوفت يعني مو مطورين عاديين لا شركة معروفة على نطاق عالمي بالتقنية القوية.
البرنامج يتعلم من طريقة كتابتك بشكل مستمر وبشكل عميق بحيث يتعرف على طريقة الكتابة الخاصة بيك ويحفظها وهالشي يدخل بي خوارزميات الذكاء الاصطناعي الي تساعد على فهم عمليات الأدخال الخاصة بيك وبالتالي معرفتهن من قبل الآلة, البرنامج بي عدد من الايموجايات الي تحتاجهن انت عدد لا يضاها من الايموجي والايموجي الخاص, وهو اكيد يعرف شنو تحب من الايموجيات وراح يخزن هالشي يمة ويعرف وين تستخدمهن.
البرنامج يجي ويا ثيم مجاني وتصميم مجاني مناسب مع النوع الجهاز الخاص بيك, وطبعاً راح يوفرلك فوائد كلش هواي منها الاقتراخات او التصحيح التلقائي الي أكيد يشتغل وية الكلمات الي تريدها, وتكدر توصل فكرتك للمقابل بسرعة لأن هو راح يكتب الك نص الكلمة الي انت تريدها الي عليك تكتب أو احرف منها والباقي على البرنامج.
تكدر تخلي يمسج الكتابة الي انت ما تحتاجها وبالتالي راح يسهل عليك الاشياء الصعبة, وأكيد بي متابع للحروف الي تريدهن وهالشي مثل ما كلنة بسبب الذكاء الاصطناعي الي موجود وخوارزمياتة المتطورة, أدوات كيبورد خاصة بيك وبالامكان توسيع هاي الأدوات أو إضافة كلمات او اختصارات سريعة.
تكدر تغير حجم الكيبورد ومالتة التصميم بالشيء الي انت تريدة, وبي الوان وثيمات أكثر من 100 نوع ولون بعضهن بفلوس, انت تكدر تسوي الثيم الي تريدة من خلال الصورة الي تخليها خلفية للكيبور نفسة.
تكدر تستخدم الايموجي او الجي اي اف او الستيكرات الي تريدها انت حسب رغبتك, ومثل ما كلنا هو يعرف شتستخدم من ايموجيات وستيكرات ويحفظها لأن هو يتعلم منك.
الكيبورد لازم يدعم هواي لغات هذا الكيبورد تكدر تخلي بي أكثر من 5 لغات بنفس الوقت ويدعم أكثر من 300 لغة عالمية وملحية.
منهن
الانكليزية “بريطيانية, امريكية”
العربية
الهولندية
الفرنسية
التركية الالمانية
الروسية
وغيرهن من اللغات, تكدر تحمل البرنامج من الروابط الجوة…
| الأندرويد | الأيفون |
| Google Play | AppStore |
