برنامج كانفا Canva لتصميم الجرافيك والصور والمعايدات للاندرويد والايفون
برنامج كانفا يعتبر من البرامج الأكثر تحميلاً خلال هذا الشهر يستخدم لتصميم وتعديل الفديوات والصور والجرافيك.
تريد تسوي ستوري على الانستاكرام حلو؟ تريد تسوي فديو حلو؟ تريد تسوي لوكو حلو؟تريد تسوي بطاقة مال جمعة مباركة بأيدك او تسوي بطاقة مال دعوات عرس او خطوبة ,تريد تسوي تصميم للصور بسهولة وسرعة وبأعلى درجات النقاوة وأعلى درجات الدقة, أختار هذا البرنامج المميز والمجاني.
ما هو برنامج canva؟
هالبرنامج يعتبر من البرامج الأكثر تحميلاً على المتاجر سواء كانت ابل او اندرويد بس بالكوكل بلي تم تحميله أكثر من 2 مليون مرة وشي مو شوية انه برنامج يتحمل هالعدد هذا وطبعاً موجود أكثر من 100 الف رد على هذا البرنامج اقصد كتقييم حتى وصل البرنامج بكوكل بلي 4.8 من 5 والرقم هذا يعني انه هالبرنامج جيد ولا بأس بي.
تعديل الفديوات والصور ببرنامج كانفا canva
تكدر تعدل على صورك وعلى فديواتك بداخل هذا البرنامج ويتيح الك البرنامج هواي أدوات وخيارات واشياء تضاف للفديو او الصورة, تريد تحط على فديواتك اشياء ما مسويها احد قبلك افضل حل هو هالبرنامج بشكل جيد ولا بأس بي.
تصميم البطاقات والدعوات ببرنامج كانفا canva
تريد تصمم بطاقة عرس او خطوبة او دعوة إلى حفلة عيدميلاد تريد تخلص من سالفة عيد سعيد التقليدية وتسوي شي خاص بيك وتدزة لجماعتك وتخلص الناس من شرك ومن شر هاي الرسائل الجاهزة.
كل هاي الاشياء يسويها هذا البرنامج خل نتعرف اكثر على البرنامج.
شلون نستخدم برنامج canva؟
1- تريد تبدي من الصفر وتسوي صورة او تصميم خاص بيك او تستخدم تصميم جاهز بكيفك وبداخل هذا البرنامج اكو أكثر من 60 الف تصميم علمود لا تضيع الوقت.
2- تضيف الكتابة للصور تكدر تضيف الكتابة للصور وتعدل عليها وتكدر تسوي الكتابة بأكثر من سطر وتغير على لونها شكلها او فراغاتها ومواقعها بالشكل المطلوب وأكو امثر من 700 نوع خط.
3- تستخدم صور من جهازك او تستخدم الصور الي موجودة بالمكتبة مال برنامج وتكون مو مجانية.
4- تعدل على الصورة تريد تعدل على الصور بشكل مجاني من خلال معدل الفلترات الي موجود او تضيف الضوء للصور او تضيف المقالات الها “كتابات”.
5- تكدر تشير او تشارك الضور او اي شي صممتة بداخل هذا البرنامج للناس الي موجودين على مواقع التواصل الاجتماعي.
شنو الي تكدر تطرحة للتواصل الاجتماعي من خلال برنامج canva
1- ستوريات انستاكرام معدل عليها, او تسوي هايلات من خلال البرنامج.
2- تسوي بوستات الفيس والصور الخاصة بيها او تسوي صور للكفر مال فيس بوك.
3- تسوي بنرات للتويتر وممكن حتى لليوتيوب.
4- تسوي كارتات, تسوي دعوات.
واخيراً
شنو الي تكدر تسوي ببرنامج كانفا canva
- تسوي لوكو, وغلاف كتاب, تصميم ثيم لأي برنامج.
- لكل حدث او لكل شي تسوي اكو بطاقة, مثل بطاقة عيدميلاد, بطاقات اعراس.
- تعديل بسيط على الصور ومجاني.
- جمع الصور, وتكوين طباقات من الصور, وبنرات خاصة.
- تسوي بوسترات.
- تعديل على الفديو بشكل بسيط.
- للشغل تسوي او تحضر للمقابلة ببطاقة.
تكدر تحمل التطبيق من الروابط التالية.
رابط تحميل البرنامج من كوكل بلي
رابط تحميل البرنامج من اب ستور
