برنامج فتنس من أعظم البرامج الخاصة بالدايت او تغيير نوعية الأكل او تريد تنزل وزنك بطريقة صحية وتعرف السعرات الي موجودة بالأكل, لا تتعاجز من الدايت علمود تسوي جسمك بالمظهر الي يعجبك.
شون تتعبك نظام دايت راقي؟
أكثر شي يسوي البشر باليوم الواحد هو الأكل من الممكن تلكي اشخاص ياكلون من الصبح لحد الليل وحتى ياكلون أكثر من 5 وجبات وهاي السوالف من الممكن تسويك سمين “كرش” فالاحسن تسوي دايت او تتبع نظام أكل معين, انت تشوف جسمك شكد يحتاج سعرات حرارية وشكد تحرك باليوم الواحد وبالتالي راح تعرف شكد تاكل فهذا البرنامج يسهل عليك سالفة معرفة الأكل ومعرفة عدد السعرات الحرارية الي موجودة بالأكل وعدد كل عنصر بيهن, بالتالي راح تعرف الكميات المناسبة الي ممكن تاكلها من كل نوع أكل.
البرنامج بي مميزات هي
- أكبر موسوعة طعام وانواع طعام بالعالم بحيث أكو أكثر من 6 مليون نوع طعام تتضمن عالمية ومحلية.
- بي قارئ باركود سكنر علمود بس تأشر على الباركود تكدر تعرف شنو بي, وتتضمن قائمة ب4 ملايين نوع طعام.
- تكدر تعرف بسهولة وصفات الطعام الي ممكن تطبخها.
- من الممكن أكو مطاعم موجودة ضمن هاي البرامج وممكن تشوف شنو العناصر الي موجودة.
- تكدر تعرف نوعية الطعام الصحي الي ممكن تسوي.
- تسوي الاكلات الي تريدهن وتحفظهن بداخل هذا البرنامج بالتالي تصير اكلات خاصة بيك.
- تكدر تحسب السعرات الحرارية بكل نوع أكل.
- تتعب كل العناصر الي تفيد وتضر الجسم: سعرات حرارية, دهون, كاربوهيدرات, سكر, كولسترول, فيتامين وغيرهن.
- تكدر تسوي أكلات خاصة بالوجبات اليومية غدة عشاء وتسوي وجبات ثانوية.
مثل ما كلنة هذا البرنامج يدعم الناس الي تسوي رجيم او الناس الي ياكلون أكل صحي وبالتالي من يصير عندك هدف وتحققة راح ينحسب الك انجاز.
البرتامج هذا بي إصدار مجاني وبي اصدار بفلوس بس اصدار الي بفلوس يفي بالغرض مثل ما نكول يعني شي زين.
تكدر تحمل البرنامج من السوق الخاص بالايفون والسوق الخاص بالاندرويد
رابط تحميل البرنامج للأندرويد
رابط تحميل البرنامج للايفون
