برنامج عمل سيفي سيرة ذاتية في احترافي للاندرويد والايفون
سيفي عربي و انكليزي
برنامج لعمل السيفي بما انه احنة نحتاج هذا الشي كلش هواي وبمكان ما نسوي يم الناس بفلوس او بالحاسبة او مثلاً تروح لمكتب ويقطك فأحسن حل هو هذا البرنامج الي موجود للايفون والاندرويد بالمتاجر وبشكل مجاني.
“بلكت تجي الحكومة الجديدة الي راح تريد من عدنا سيفيات وتريد من عدنا نسوي فايلات بيها سيفي سوي بهذا البرنامج”.
هالبرنامج يستخدم بشكل اوف لاين يعني ما يحتاج نت وبالتالي تكدر تسوي بأي وقت بأي مكان وبي تقريباً 130 قالب شكل ونوع, تكدر تسوي السيرة الذاتية مالتك بدقايق وما يحتاج تعقيد بعد.
السيرة الذاتية هي الشي الي تكدر تقدمة للمكان الي تريد تتوظف بي او الملف التعريفي عليك الي من خلاله الناس تكدر تعرفك انت شنو وشتعرف وشدارس, بي المعلومات الي هن: الاسم, العمر, المعلومات التواصلية, الخبرات, المجالات الي مشتغل بيهن.
تكدر سوي سيرة ذاتية انت لا تهتم بأي شي بس بالمعلومات الي راح تكتبة يعني ما يحتاج مثلاً تحط اشياء ببالك فقط تملي ما تهتتم بالتنسيق وشون راخ تنسق انت ما الك علاقة بهذا الشي هو راح ينطيك تنسيق الي تريدة.
يعتبر السيفي او السيرة الذاتية من الاشياء كلش ممهمة بالسنين الجاية او الاشهر الجاية بمكان ما تروح وتصير مقابلة والخ السيرة الذاتية تخلي عند المقابل وجهة نظر حولك شنو انت شتعرف شمخلص خبراتك وين مشتغل كل ذني معلومات من خلالها يدر يقيمك او يقبلك بالعمل او ما يقبلك.
كل هاي الاشياء تكدر تسويها بهذا التطبيق وبشكل مجاني وينطيك بعد أكثر اشياء حلوة انت راح تنزل البرنامج وتجربة واي شي تواجهة راسلنا على صفحتنا بالفيسبوك او الانتسكرام ونرد عليك بأسرع وقت ممكن.
البرامج تكدر تحملهن من ذني الروابط الي راح تشوفهن خاصات بالاندرويد والايفون
بالنسبة للاندرويد برنامج واحد اما الايفون خلينا برنامجين علمود تشوفون منو احسن الكم ومنو احسن بالاستخدام.
ولا تنسى تراسل الصفحة اذا واجهت مشكلة او وكفت بفد مكان
الاندرويد:
الايفون:
