برامج هندسية لقياس المسافات والاضلاع للايفون والاندرويد
برنامج للمهندسين
من اكثر البرامج المهمة في الوقت الحالي هي البرامج الهندسية يعني البرامج الي تفيد المهندسين البرامج الي تقيس بيها المسافة والازاحة وارتفاع وعرض وطول الغرف وقياس الاضلاع وغيرها.
1- برنامج Measure لقياس المسافات من تطوير شركة كوكل
هالبرنامج من تطوير شركة كوكل شغل هذا البرنامج يقيس الك المسافات وقياس طول وعرض اي شيء موجود ويقوم بقياسها “مثل ما تقيسها بالفيتة”, طبعاً استخدام هذا البرنامج كلش سهل بس تفتح البرنامج راح يطلعلك شاشة مقطعة إلى اجزاء وانت بس اضغط على المكان الي تريد تقيسة “تضغط ببداية والنهاية” وهو ينطيك القياس بشكل حي.
خصائص البرنامج هذا
- يرسملك خطوط من بداية ونهاية المكان الي تريد تقيسة وطبعاً هالشي افقي او عمودي.
- يقيس الك الاشكال المستطيلة والمربعة بشكل تلقائي.
- وتكدر تسوي شير لنتيجة القياس لمواقع التواصل الاجتماعي
رابط تحميل البرنامج من سوق بلي
رابط تحميل البرنامج من اب ستور
2- برنامج AR Ruler App – Tape Measure لقياس المسافات
برنامج تكدر من خلالة تقيس المسافات والاطوال عن طريق كامرة الموبايل بالطريقة الحية للاشياء الي موجودة بالواقع كلشي تكدر تسوي بموبايلك هذا الي بيدك فلا تحتار.
خل نتعرف على الخصائص الي موجودة بهذا البرنامج
- تكدر تقيس الاطوال والمسافات بالوحدات ال (متر, سم, مم, انش, قدم, ياردة).
- تكدر تقيس المسافة من نقطة الي انت موجود بيها إلى التأشير الي موجود بكامرة موبايلك.
- تكدر تقيس الزوايا الي موجودة وتسويها عبارة عن 3D.
- تكدر تقيس مساحة الغرفة ككل.
- تكدر تقيس حجم الشيء ككل ال”3d”.
- تكدر تقيس طول الطريق ككل.
- وتكدر تقيس ارتفاع الاشياء.
رابط تحميل البرنامج من سوق بلي
رابط تحميل البرنامج من اب ستور
3- برنامج STANLEY Smart Measure Pro لقياس المسافات والازاحات.
البرنامج هذا مجاني بشكل كامل وطبعاً يعتبر نسخة البرو وهاي ما تتحصل بسهولة ومن الممكن اليوم مجاني بعد فترة يصير بفلوس المهم هو هم يقيس المسافة والازاحة والاضلاع من الممكن تقيس هالاشياء من مكان بعيد او هيج شي.
رابط تحميل البرنامج من سوق بلي
رابط تحميل البرنامج من اب ستور
