برامج تذكيرية لتقليل الضرر الناجم من النسيان للاندرويد والايفون

تريد تسهل عليك سالفة التذكير لأن الانسان مرات ينسى هواي هاي برامج تقلل من هذا الشي تكدر تحملهن من متجر الاندرويد والايفون

برامج تسهل عملية تذكيرك لهواي اشياء وطبعاً هذني البرامج سهلة يعني بوجود الموبايل بكل ايد راح تسهل عليك هواي امور وتخليك ما تحتاج اي شي سواء واحد يذكرك بشي او يكول الك او منبه عادي للتذكير, بما انه موجود الموبايل هو راح ياخذ مسؤولية الرعاية الكاملة الك اذا عرفت شون تستخدمة طبعاً مو تجيب وتخلي بكيفك لا لازم يكون عندك علم بالشيء الي تسوي وراح يسهل الك هواي امور, من الممكن جنت تغفل عن هاي الاشياء سواء بسبب الشغل الي انت بي او بسبب طبيعة تذكرك برامج اليوم هي برامج تذكيرية مهمة راح نشرح شرح بسيط عن كل برنامج وموجود رابط التحميل للنظامين.

1- برنامج تذكير شرب الماء Water Reminder – Remind Drink Water

بما انه يعتبر الماء من أكثر الاشياء الي يحتاجها الجسم ومن الممكن انه الجسم يموت اذا ما حصل على ماء خلال ساعات او يومين, فهنا راح نحتاج نسوي تذكير لهذا الشي هنا راح ننطي سبب لهذا البرنامج, هواي من الناس نزلوا هذا البرنامج ليش لأن هالبرنامج يفيد طبقة من الناس الي تحتاج إلى شرب الماء وطبعاً ماكو اي مضرة من شرب الماء بس اكو مضرة من تنسى تشرب ماء يعني اكو ناس مرضى يحتاجون الماء بكثرة هذا البرنامج شبه طور الهم علمود ينطي اشعار الهم يشربون الماء. وهاي شوية خصائص للبرنامج.

• سهل الاستخدام بسبب الشكل الحلو للواجهة الخاصة بالبرنامج.
• تنطي جنسك ووزنك وهو راح يكول الك شكد لازم تشرب ماء باليوم.
• ينطيك رسومات تتبع لعلمية شرب الماء.
• تكدر تضيف أكثر من 20 نوع من المشروبات الي لازم تشربهم.
• تكدر تختار الكمية الي تريد تشربها وتحددها بالوقت الي تريدة.
• الوقت الي تروح تنام لازم يعرفة البرنامج علمود لا يسوي الك تذكير وانت نايم.
• يتبع الك نشاط شرب الماء الاسبوعي والشهري وينطيك الاحصائيات.

2- برنامج تذكير شرب الدواء Pill Reminder & Medication Tracker – MyTherapy

هالبرنامج يمكن كلش مهم بالنسبة للناس الي تنسى ومثل ما تعرفون انه الدواء مو شي ضروري للناس الي ما بيها شي بالتالي ما راح يتذكرة الشخص بسهولة لذلك لازم اكو شي يذكرة بشرب الدواء وهالشي موجود الي هو الموبايل وخاصة هذا البرنامج الي هو اصلاً طور لهذا السبب تكدر تستخدم هالبرنامج اذا جنت تنسى او اذا ما جان اكو أحد يمك يذكرك بالاوقات. راح نحجي شوية خصائص عن هذا البرنامج

• سهل الاستخدام بسبب كون الواجهة كلش سهلة.
• اذا اخذت الجواء من دون تذكير البرنامج من الممكن تكول للبرنامج ينتقل للوقت الثاني.
• تنطي كمية الدواء الي موجود عندك وهو يكول الك شوكت يخلص.
• ينطيك اشعارات لكل شي يصير.

3- برنامج تذكير للعين 20 20 20 Eye Care

العين هي اهم شي عند الانسان ممكن الانسان يأدي الوظائف بدون النظر بس مو بالطريقة المثالية كون العين مهمة كلش للانسان, البرنامج هذا مهم الك ولكل شخص يستخدم الموبايل والحاسوب وكل شاشة موجودة وحتى التلفزيون, يراعي عيونك ويقدم الهن خدمة علمود لا يصير بيهن شي.

نشوف الخصائص مال هذا البرنامج

• ينطيك اشعار بعد 20 دقيقة من استخدام الجهاز علمود تاخذ استراحة للعين.
• العد التنازلي يبدي وحدة بس تفتح البرنامج.
• انت تنطي الطريقة علمود توافق على الاشعار بحيث ما تجذ على البرنامج من ينطيك استراحة.
• تبدي وتنتهي الخدمة يدوياً.
• تنطيك رعاية للعين مالتك بشكل قوي.