تريد تكضي وقتك وتتعلم اشياء بنفس الوقت العب العاب الي بيها معلومات وبيها فائدة أكثر الك جبنا احسن لعبتين بيهن فائدة
ما هي لعبة فطحل العرب
اللعبة هاي مو جديدة بس حلوة والاهم هي لا منتهية يعني بيها مراحل معينة بس بيها لعبات يومية الي هي عبارة عن اسئلة واجوبة وطبعاً كلش حلوة معلومات عامة عن كل شيء تجيك لا تروح للكوكل لأن المعلومة اذا ما تعرفها فراح تكدر تحزرها من عدد الأحرف الي موجودة او تسوي قرعة بين الاختيارات او الاحرف الي موجودة عندك.
مثل ما كلنا فهي بيها مراحل معينة انت تعتبر صاحب معلومات قوية اذا كملتها بدون ما تروح للكوكل لأن اصلاً معلومات موجودة بكل مكان اكو اشياء انت تعرفهن وأكو لا ما ينعرفن واكو اشياء تفكيرية هم, صير فطحل العرب بعد ما تفوز بهاي اللعبة.
اما بالنسبة للتحديات اليومية الي يكون عبارة عن 3 فقرات كل فقرة بيها 6 اسئلة او 6 اختيارات وهاي يومية وغير منتهية.
تكدر تنزل اللعبة بشكل مجاني من كوكل بلي او من اب ستور
رابط تحميل اللعبة للاندرويد
رابط تحميل اللعبة للايفون
ما هي لعبة درب التحدي
ببداية الموضوع هاي اللعبة شبيها للعبة الي قبلها هم بيها معلومات عامة بس ع الأغلب هاي بيها تركيز أكثر تجيك أكثر من نوع لعبة معين وهم بيها أكثر من 500 مرحلة يعني خل نكول ما تكمل بسهولة بسبب كثرة مراحلها, والشي الحلو بيها هاي اللعبة بيها أكثر من لعبة الي هن
لعبة ترتيب الكلمات لتكوين مقولة تأريخية لعالم او لروائي او لرئيس او لأي شخص قالها وحتى حديث الانبياء وحتى الامثال هم تجيك بهذا النوع
واللعبة الثانية الي هي ترتيب حسب الالوان لازم ترتب الالوان داخل عقلك وتبدي تحرك بيهن.
اللعبة الي وراها لعبة الضوة الي لازم تطفي كل الاضوية وكل ضوة يفتح 4 اضوية جديدة بمجرد النقر عليه.
ولعبة السودكو المعروفة.
وبعد بيها لعبات أكثر من هيج بحيث متحس بأي ملل وأنت تلعبها تكدر تحمل اللعبة من الروابط الي موجودة كدامك
رابط تحميل اللعبة للاندرويد
رابط تحميل اللعبة للايفون
هاي اللعبات من أحسن الالعاب الي نزلن من حيث نوعهن ك معلومات عامة
