العاب الاوبئة والحرب من الالعاب الأكثر طلباً ويعتبرن العاب استراتيجية تكدر تحملهن من الاندرويد والايفون
العاب الاستراتيجية هي العبا تكدر من خلالها تبني جيش او تبني مدينة او تبني قلعة, اما تحارب بيها او تدافع بيها عن الناس الي عندك او تروح تحتل الاماكن المختلفة, العاب الاوبئة هي العاب تقوم انت بأكتشاف وباء تنشرة وتقضي على الجنس البشري وبالتالي راح تكون السبب في انقراض الجنس البشري, او العاب الاستقرار الي هي العاب تسوي بيها مدن بعد ما جان بيها الحرب وطبعاً هم تعتبر لعبة استراتيجية لأن راح تبدي من الصفر بالمدن الي جانت منبع للحروب.
للاسف اللعبات ذني موجودة بالاندرويد بشكل مجاني اما بالايفون فموجودة بفلوس وهذا الشي المو حلو اسفين بالنسبة لأهل الايفون للوقت الحالي ومن الممكن نشر لعبة مشابها للعبة الموجودة.
1- لعبة بلاج الوباء Plague Inc
اللعبة هاي هي عبارة عن تصميم وباء او فايروس وتقوم بنشره للعالم كلة والمطلوب منك تنشر الفايروس علمود يصير انقراض للجنس البشري, وهو المطلوب من هاي اللعبة وهاي بعض الخصائص هاي اللعبة.
خصائص لعبة الطاعون او الوباء
- الواجهة الخاصة باللعبة كلش حلوة ورسومات حلوة عبارة عن رسومات شبكية.
- عبارة عن عالم مفصل بشكل كبير والواقعية الموجودة باللعبة كبيرة والذكاء الاصطناعي العامل الرئيسي فيها.
- نظام تعليمي شامل باللعبة في حال عدم معرفة اللعب.
- تكدر تصنع 12 نوع من الاوبئة المميتة وكل وباء الة استراتيجيات معينة.
- تكدر تحفظ اللعبة عن طريق الانترنت.
- اصابة أكثر من 50 دولة وأكثر من 100 ميزة والالاف من الاحداث العالمية.
اللعبة المشابهة في أجهزة الايفون هي
لعبة عدوى الحرب البايلوجية Infection Bio War
| الاندرويد | الايفون |
| Google Play | AppStore |
2- لعبة التمرد والعصيان Rebel Inc
لعبة تبدأ مراحلها بعد أن تتوقف الحرب العالمية وعليك ان تعود بالمدن ال7 التي لديك إلى حياة الاستقرار وبالتالي راح يصير عندك تحدي تكدر تسوي هذا الشي؟ تكدر تعود لبناء هاي المدن المنكوبة, بعض خصائص هاي اللعبة.
- تحرير وتحقيق الاستقرار في 7 مدن نموذجية غنية بالمواد.
- لازم تكافح التمرد الي يصير بهاي المدن من البداية لمنع انتشاره.
- عالم مفصل مثل اللعبة الي قبلها, وواقعي يعتمد على البحث المكثف.
- اكيد تدخل الاستراتيجية بهاي اللعبة.
- خوارزميات اللعبة متطورة بشكل كبير.
بس المشكلة هم الايفون بفلوس
| الاندرويد | الايفون |
| Google Play | AppStore |
