افضل 5 العاب بناء مدينة استراتيجية للاندرويد والايفون

Mohammed Alwailiفبراير 28, 2020

1٬956

العاب بناء المدن هم تعتبر من الالعاب الأكثر طلباً لأن هي العاب ما تنتهي بوقت معين من الممكن ان تضل تلعبها إلى ان تصير عندك مدينة كاملة ويجوز يصير هالشيء بيوم واحد او يومين او حتى يوصل لسنة, العاب اليوم هي اكثر 5 العاب موصى بهن من قبل موقع الموبايل العراقي.

طبعاً تعتبر هاي الالعاب من افضل الالعاب بالموبايل لأن توفر الك وسيلة تلهيك وبنفس الوقت تتعلم شون تبني صحيح هي مو شيء واقعي بس اقرب للواقع ومرات الناس الي يلعبون هيج العاب استراتيجية يدمنون على هاي الالعاب وبالتالي يفتحون اللعبة طول الوقت ويطمئنون على ما موجود داخلها.

خصائص الالعاب بشكل عام هي تسوي مدينة من الصفر يعني اول ما تبدي تسوي اساس البيوت وطبعاً تشتري كاع لازم وتخلي بيها البناء وتبدي تبني هالكاع ويصير عندك اول شيء بيت وبعدين تكدر تكبر هالبيت وتسوي عمارة يعني راح يزيدون عدد السكان الي موجودين بهاي الرقعة بالضبط وراها تبني الهم طرق داخلية تخلي يوصل إلى مراكز شنو هي هاي المراكز المراكز مرات تكون تسوق او محطات بنزين او اي شيء ثاني, مراكز التسوق هم انت بتبنيها وتكبرها وكل هالشيء ينطيك فلوس يخليك تبني المراكز الخاصة بالتسوق او بالرياضة مثل الجيم وغيرها والاحتياجات مال الناس الي عايشين بمدينتك تكبر يوم ورا يوم وتكبر بيت ورا بيت مثل مراكز الاطفاء مراكز الماء المستشفيات كل هاي الاشياء ما يتوزعن عشوائي لان المراكز تنطيك مجال لعدد معين من الاشخاص او لمسافة معينة, هالحجي بالنسبة لكل المراكز طبعاً شوية شوية تبدي مدينك تكبر لازم تعرف وين توزعهن بالضبط لان بمرور الوقت ما راح تلحك تبني ولا تلحك تنطي احتياجات الناس لازم من البداية تخطط شون تبني وشون تقسم الاماكن لبناء وغيرها.

الالعاب الي موجودة بالاسفل هي احسن العاب بهذا النمط خلونا نتعرف عليهن