العاب الاوفلاين هي من افضل الالعاب الي تكضي بيهن وكت لأن ما يحتاج نت ولا يحتاج اي اتصال وطبعاً سهلة اللعب وتكون سريعة لأن حجمها اقل هاي لستة بألعاب للجهازين الاندرويد والايفون
هاي الالعاب هي مجانية طبعاً وتكدر تحملهن من سوق بلي ومن ابل ستور او اب ستور, هاي السلسلة راح تزيد كل يومين 5 لعبات من الاختيار العشوائي بالمتجر, واذا صادفت طلعتلك لعبة “غير متوفر في بلدك” طب على
الالعاب الحديثات حيكونن بالبداية لذلك راح تشوف الترتيب تنازلي
25- تطابق الحلويات Sugar Heroes – World match 3 game
هاي اللعبة اسمها لعبة التطابق من الالعاب الي تخلي كل 3 اشكال ينفجرن مثل لعبة كاندي كراش او غيرها الكثير, من هذا النوع, بيها مهام يومية بيها مهام اسبوعية لازم تسويهن, واشكال هاي اللعبة هي الحلويات
24- لعبة الطيران العالي Fly Sky High
انت تقود طيارة علمود تسوي مهمة موكلة الك في السماء, طبعاً بطريقك للمهمة راح تواجه المصاعب والاعداء والعقبات الي تمنعك من اداء هاي المهمة, مثل طيارات الاعداء او الافخاخ, ممكن ان تصل سرعة الطيارة إلى سرعة الضوء.
23- Puzzrama لعبة الالغاز
نشط دماغك وتفكيرك وتركيزك من خلال هاي اللعبة الي تعتبر من اجمل العاب الالغاز الصورية هاي اللعبة عبارة عن صورة بيها لغز وانت تحل هذا اللغز ومستوياتها تصير اصعب شوية شوية كلما تقدمت وكل ما حليت اللغز.
22-لعبة City Mania: Town Building Game مدينة مانيا
هاي اللعبة هي اطور لعبة من العاب البناء بحيث تنطيك امكانية اقوى من اي لعبة ثانية بهذا المجال من هاي الامكانيات, تكدر تبني المباني الصغيرة وبعدين تكبرهن إلى اي حجم ممكن, وراها تخلي الناس يعيشون داخل هاي البنايات, تبني مدينة او قرية صغيرة وبمرور الوقت راح تكدر تبني عاصمة او مدينة جبيرة, تكدر تختار شخصيات بداخل مالتك المدينة, وراها تبني البنايات الي تعتبر تاريخية مثل برج ايفل برج بيزا وغيرهن من البنايات.
21- لعبة Bob’s World – Super Adventure عالم بوب
هاي اللعبة شبيهة بلعبة ماريو الي جنة نلعبها من سنة 1995 واقل وهم بيها اعداء هواي ومستويات هواي, مثل لعبة ماريو هم لازم تجمع الفلوس وتجمع الفطر علمود تصير اقوى وتكوم “تطلق النار” على الاعداء, تكدر تتحرك بكل الاتجاهات وبكل الازرار الي موجودة.
20- لعبة بلياردو بوكينك Pooking – Billiards City
هاي اللعبة هي أحدث اصدار ممن العاب البلياردو والاحسن من ناحية كونها ما تحتاج نت مثل غير لعبة, هم التصميم مالتها اشبه بالواقعي واقرب الة والكرافيك والالوان حلوة, والاهم انه تكدر تلعب كشخص واحد وية قوات مختلفة, وتستخدم 8 كرات فقط.
19- لعبة قطع الحبل وايصال الحلوى Cut the Rope
احلى شي بهاي اللعبة هي التصميم والكرافيك والدقة مال تصميم, بحيث تكون اكثر للواقعية, هاي اللعبة قصتها اكو كائن اخضر يحب الحلويات او لوليبوب واكو حلويات معلكات فوك بالاحبال ومرات معلكات وبينهم اعاقات انت الي عليك تخلي هاي الحلويات بطريقة ذكية وبلمسة وحدة احياناً تروح لحلكة مباشرتاً.
18- لعبة سونيك Sonic Dash
منو ما يعرف شنو لعبة سونيك وشون كبرت ويانة هاي اللعبة وشون صار الها اصدارات من بعد ما جانت بي على الاتاري الي نسمي راكون او سيكا وغيرها من انواع الاتاريات, المهم هاي اللعبة ميزتها انه تكون اوف لاين ما تحتاج نت وطبعاً التصميم مال كرافيك والثري دي مال لعبة كلش حلو, انصح بيها.
17- لعبة توصيل الالوان Flow Free
تريد تكضي وكت بشي حلو ولعبة حلوة؟ انصحك بهاي اللعبة هاي اللعبة اني عن نفسي ضليت العبها لمدة شهر وطبعاً وصلت بيها مراحل هواي, وهي اصلاً بيها مراحل كلش هواي بحيث ما تكدر تمل منها, وبيها انواع, وهي تحرك الدماغ بسبب التركيز الي تطلبة.
16- لعبة هجوم المجرات Galaxy Attack: Alien Shooter
هاي اللعبة موجودة بالأجهزة القديمة الي هي اسمها اتاري هي عبارة عن مركبة فضائية انت تتحكم بيها وتكتل الاعداء الي يريدون يحتلون الارض وبالتالي تمنعهم من الاحتلال هاي تكون احلى لعبة بهذا التصنيف
15- لعبة سباق الدراجات النارية
من أجمل لعبات سباق الدراجات النارية هذه اللعبة وكذلك من أجمل العاب سباق السيارات ايضاً, يكون المسار عبارة عن ادمان لهذه اللعبة التي تكون بشكل غير موصوف وغير موجود من قبل, وكل هذه الاشياء سوف تمكنك من الفوز بالميداليات والهدايا.
14- لعبة المدينة المزدحمة
بالبداية راح تبدي تمشي وحدك ووياك حيكون 9 او 10 نفرات واكو ناس يمشون طبعاً انتوا ال10 كل واحد الة لون والي بالشارع هم بيض فقط انت تروح تمشي بصف هذا ابو الابيض الي يمشي بالشارع وحيصير وياك وهكذا إلى ان تفوز
13- لعبة قاعة الجيم والعضلات والفتنس
انت ستملك قاعة رياضية خاصة بك, من خلالها تكدر تخلي الناس يجون يمك وانت تصير ملك او مدير هاي الامبراطورية.
بالبداية راح تبدي تسوي شي صغير ومكان صغير وبعدين راح تبدي تكبر مكانك شوية شوية على ما تصير هاي الامبراطورية.
12- لعبة تسفيط الاحجار الملونة
لعبة تسفيط الاحجار الرخام ومهام الرخام من أجل ان ترتفع بالمستوى العالمي من العاب الاندرويد والايفون هذه اللعبة هي من أجل ان تكضي الوكت, في هذه اللعبة يوجد العديد من المستويات الكثيرة والتي تكون لا نهائية.
11- لعبة زوبا: الساحة القتالية
لعبة زوبا للاندرويد والايفون هي لعبة قتالية تكون المعركة في ساحة وتكون هذه المعركة فريدة من نوعها, انت تلعبها من أجل حماية النباتات وسيكون هناك اطلاق نار والقتال
اللعبة زوبا هي من العاب الرويال, ومغامرات ومعارك ضد الاعداء, ستدخل هذه المعارك لكي تكون من النجوم اللامعة في الحديقة التي ستكون انت حارس عليها.
10- لعبة تسلق الجبال بالسيارات الاصدار الثاني
هاي اللعبة هي ثاني اصدار من اللعبة هاي والي يكون بيها الطريق احلى والتصوير احسن والكراف مال اللعبة احلى بهواي هي ما تعتمد على السيارات السريعة لا تعتمد على قوة المحرك الي من خلالة تكدر تصعد الجبل.
9- لعبة القرش الغاضب
بهاي اللعبة انت الي راح تكون المفترس مو الفريسة يعني انت القرش الي تصيد الناس والاشياء الثانية الي موجودة بالمحيط مو مثل باقي الالعاب الي تكون بيها انت الفريسة, انت راح تكون القريش الجوعان, ولازم تاكل السمك وكل الحيوانات الي موجودة بالمحيط هالشي مو سهل
8- لعبة قرية السنافر
قرية السنافر من الالعاب البناء هم الي تنلعب بدون ما تحتاج إلى انترنت والي تكدر تسوي بيها قرى وبيوت وتحافظ عليهن, اللعبة مصممة مثل ما موجود بقصة السنافر الي هي عبارة عن قصة كوميدية عن انواع تشبه الانسان تعيش ببيوت شكلها مثل شكل الفطر.
تكدر تبني البيوت والمخبر والجسور وتزرع الاراضي الي تزرع بيها التوت وغيرها من النباتات وراها تحصد وتبدي توسع بنايتك وتزينها.
7- لعبة بناء مدينة سم ستي
هاللعبة من افضل الالعاب بنظري يعني اكثر شي حلو انه تبني مدينة كاملة من مجاري من طرق من ابنية من ارضية من بنايات من مطافئ حريق من مستشفيات ولازم تخلي البنايات من بأماكن جيدة اماكن مناسبة علمود لا يصير ازدحام سكاني.
وتسوي المدينة شون ما تريد انت وتسوي بلدية علمود المكانيبقى نظيف والاحلى تكدر تسوي مكان تسوق وطبعاً المصانع
6- لعبة الاخوة في الجيش القتالية
هي لعبة كلش حلوة من الالعاب الي ما تحتاج انترنت وطبعاً صممت للناس الي يحبون الرمي, بهاي اللعبة راح تصير جندي وتحارب الاعداء في ساحات الحرب القوية, مثل ما موجود بالحرب العالمية الثانية وتكدر تاخذ شي اسمة الدروب او صندوق الحرب الي بي اسحلة اقوى من اي سلاح موجود في الساحة نفسها, وهواي اشياء غيرها.
5- لعبة طبخ كيك
الي يحب لعبة طبخ الكيك ويزين الخبز والكعك والوحبات, وهي طبعاً لعبة مجانية تكدر من خلالها تسوي متجر كامل تسوي بي كيك وكعك وتكون عملاء وياك, وتكدر تقدم وية الاكل القهوة والشاي واللبن والحليب, وتكبر القاعدة مالتك هم.
لعبة الاندرويد تختلف عن الايفون لذلك حطينا اكثر من نوع للاندرويد
4- لعبة حل الغاز الجريمة
تحب تحل الغاز او تحل جريمة وحالات قتل او غموض هاي اللعبة هي اكثر شي ممكن يفيدك, لعبة التحقيق تطلب منك حل انواع الجرائم الي ترتكب حلها, عن طريق اكتشاف الاشياء الي موجودة بالصورة او حالات الاستجواب للمشتبهين, لعبة كلش سهلة وكلش حلوة, تجمع الادلة وتطابقهن وية المعطيات من الي موجودة عند المشتبه به, وتحل اللغز وتخلي المجرم بالسجن.
3- لعبة قتال الظل او الظل المقاتل تكن
لعبة مقاتل الظل هي لعبة مصممة للناس الي يحبون العاب الفنون القتالية وعملية الدفاع عن النفس, هاي اللعبة تحتوي على شخصيات بأبعاد ثلاثية باللونين الابيض والاسود وخلفية حلوة, وطبعاً تكدر تختار اللعبات من المتجر الي ممكن تشتري من تفوز بالقتال وينطوك فلوس, ومهارات قتال كلش قوية وهي من احسن الالعاب القتالية بالمتجرين الاندرويد والايفون.
2- لعبة كرة القدم حلم الليكا
اذا انت تحب تلعب طوبة وتريد تلعب احسن لعبة طوبة بجون انترنت بالعراق خاصة ومجانية وعلى النظامين تشتغل اي او اس او اندرويد فهاي اللعبة هي احسن شي ممكن, بيئتها الرسومية كلش زينة وحلوة وواقعية وخوش تجربة تعتبر, وتكدر من خلال هاي اللعبة تكون فريق خاص بيك من لاعبين من لعبة فيفا, انت راح تبني فريقك من الصفر وتصمم الملعب الخاص بيك الي انت يعجبك, وتكدر تسجل الاشياء الحلوة الي هي مثلاً اهدافك المسجلة او اي اعادة لقطة تشاركهن وية اصدقائك.
1- لعبة سباق السيارات اسفلت الاصدار الثامن asphalt
بما انه بهذا الوقت نازل اصدار تاسع من هاي اللعبة وما نكدر نلعبة لأن يحتاج نت لذلك هالاصدار ينلعب بدون انترنت, وطبعاً تكدر تدخل سباقات وتعدل على سياراتك وتسويهن بالشي الي يعجبك والي انت تريدة سواء داخلي او خارجي, واللعبة الغنية عن التعريف اسفلت تكون رسوماتها كلش حلوة بالنسبة للحجم مالتها وكون اللعبة بدون انترنت, بيها أكثر من 40 نوع مضمار او ما يسمى طريق سباق, وتكدر تلعب وية 10 لاعبين او اكثر.
