fbpx
العاب الاندرويدالعاب الايفون

افضل خمس العاب دكتور و مستشفى للاندرويد والايفون

العاب الاطباء والدكاترة والمستشفيات تسوي مستشفى او تصير دكتور جراحي او غيرها خمس اصدارات من هذا النوع للاندرويد والايفون

العاب الدكاترة الها ناس تحب تلعبها وتريد بس تشوف شنو يصير شايفين الفديوات الي بالمواقع مال تواصل من الدكتور يسوي شي معين طبعاً مهنة الطب شي كلش حلو وكلش متعب اني بالنسبة الي احب الطب والاحياء, الناس الي تحب الطب وبعدها مصايرة طبيبة او ما راح تصير هاي الناس تحب هيج العاب, شون تبني مستشفى شون تسوي عيادة, شون تداوي ناس مرضى وهواي اشياء تكدر تسويهن بالموبايل بدون ما تروح لمكان وتشوف او تدور باليوتيوب على فديوات.

ممكن تكون هاي الالعاب تعليمية للناس الي عدها مهنة الطب طبعاً مو تعليمية ويستند عليها لا فقط يشوف ما راح يطبق الي يشوفة بس يشوف شون يصير الشي وشون يتكون ومنين وليش وكل الاسئلة الي موجودة بعقول الطلاب, خلونا نتعرف على الالعاب…

1-بناء مستشفى خاص بيك Operate Now: Build your own hospital

انت راح تبني مستشفى خاص بيك وتصير المدير الخاص بالمستشفى ومن الممكن تصير جراح بأوقات او تصير دكتور بأي اختصاص ثاني, هاللعبة هي من النوع المقرب إلى الحقيقي, انت راح تبني مستشفى خاص بالجراحة, بهاي اللعبة راح انت تصمم المستشفى الخاص بيك وتشوف شنو تخلي بيها وشون ترتبها, وطبعاً الناس الي تشتغلجوة ايدك هم الاطباء الي راح يتواجدون وياك انت راح تنطيهم تعليمات شون يسون الدواء وشون ينطوا وشوكت, طبعاً انت بأعتبارك الجراح الاكبر بالمستشفى انت راح تقرر شنوو تسوي من عمليات وشنو تلغي وشون تمشي امور المستشفى وهواي اشياء تكدر تشوفهن داخل اللعبة.

الاندرويد الايفون
Google Play AppStore

2- لعبة بناء مستشفى Dream Hospital – Health Care Manager Simulator

هاللعبة هي تقريباً نفس اللعبة الي قبلها بس هاي نسخة أخف من الي قبلها علمود الناس الي عدها موبايلات ما تتحمل العاب قوية وهم حلوة هاي اللعبةلان شوية الرسوم مالتها تكون مو مثل الرسوم مال اللعبة الي قبلها وتكون شوية الالوان مالتها أحلى, طبعاً هم تكدر تدير مستشفى كامل وهي محاكية لمستشفيات الحقيقة.
تكدر تحملها من الروابط الي موجودة جوة.

 

الاندرويد الايفون
Google Play AppStore

3- لعبة دكتور العيون Eye Doctor – Hospital Game

اللعبة من اسمها نكدر نعرف يعني شنو تسوي بداخل هاي اللعبة وشنو تكدر تتحكم, شنو يسوي طبيب العيون انت تكدر تسوي داخل هاي اللعبة وبيها هواي مميزات من الممكن ان تستفاد منها, باقي التفاصيل تلكاها باللعبة حملها وشوف.

 

الاندرويد الايفون
Google Play AppStore

4- لعبة دكتور الجراحة Surgeon Doctor 2018 : Virtual Job Sim

هي هم اصدار نفس الالعاب الاولانية بس شوية بيها اختلاف بعد انت شوف الي تريد تنزلة والي يعجبك تنزلة حسب رغبتك وحسب التحمليات هاي اللعبة تجي بالمرتبة القبل الاخيرة من ناحية التحمليات 20 الف مستخدم بيها وهم شي مو قليل العدد هذا بالنسبة للالعاب لأن الالعاب مو كلش معروفة عند الناس ومحد يعرف شنوو متوفر داخل المتاجر.

 

الاندرويد الايفون
Google Play AppStore

5- لعبة التشريح Amateur Surgeon 

لعبة تحاكي عملية التشريح الي تصير بالحقيقة وطبعاً هي قريبة للواقع شوية وبيها كل الاشياء الي ممكن تشوفها عند المشرحين انت عندك جثة وانت تشوفها وتتحكم بيها وحتى تدخل للاشياء الي بطن الجثة وتشوف الاضرار الي بيها.

 

الاندرويد الايفون
Google Play AppStore

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *