العاب قتل الوقت لنظام الاندرويد بسبب الوقت الزايد الي صار بعد قطع الانترنت بالعراق لستة من عشر العاب اوف لاين
1- لعبة مطابقة الارقام والالوان
طريقة هاي اللعبة هي مطابقة الالوان والارقام مع بعضها مثلاً عندك الاحمر هو رقم 2 تخلي 3 نفس المكان راح يصير عندك اصفر وهو رقم 4 وبالتالي يصير عندك ارقام اكثر واكثر والارقام تزداد بالضعف 1 2 4 8 16 32 64 …. 512 الى ما لا نهاية.
وبيها 4 انواع منها الي ما تخلص ومنها الي تكون دورتها سريعة وعادية ومنها الي تكون اماكن محددة
2- لعبة صيد السمك
هي لعبة تم اقتراحها من قبل أحد الادمنية بعد ما لعبها 11 ساعة بيوم واحد وطريقة لعبها هي ان ترمي السنارة مال صيد تجيك السمكة وتعبر مرحلة بعد مرحلة وتغير ملابس اللاعب
3- لعبة درب التحدي
لعبة التحدي هي لعبة الغاز بيها أكثر من 10 انواع منها سودكو منها ترتيب الالوان او منها الي اسئلة او ترتيب كلمات او مقولة لفلاسفة ورؤساء العالم وغيرهم.
4- لعبة برج الالوان
هاي اللعبة هم عبارة عن الوان بحيث تشمر طوبة على اللون الي موجود بالبرج وبالتالي راح يصغر البرج إلى ان يخلص البرج وبالتالي تفوز وبعدها تجيك مراحل اقوى وطبعاً الطوبات تخلص لإانت لازم تعرف وين تضرب الطوبة علمود تفوز
5- لعبة الكائنات الصفراء او المنيونز
هاي اللعبة هي لعبة الركض الي تكون مثل لعبة سيبوي بس احلى منها وبيها اشياء حلوة مثل سيارات او كائنات وغيرها من الاشياء الي تكدر تكضي بيها وقتك
