fbpx
الاخبار

هواوي تعلن رسيماً عن موبايل الميت ثلاثين ار اس من تصميم شركة بورش للسيارات بسعر خيالي Huawei Mate 30 RS Porsche Design

شركة بورش للسيارات هي الراعي لتصميم هواوي ميت ثلاثين 30 ار اس

شركة هواوي قدمت اليوم موبايلها الجديد الي هو ميت ثلاثين 30 Mate  بنسخة ميت 30 ار اس تصميم بورش  Mate 30 RS Porsche Design طبعاً هالجهاز اجة بنفس مواصفات او قريب عليها لجهاز ميت 30 برو Mate 30 Pro الي انطلق قبل ايام من قبل الشركة, التصميم الي اجة بي هذا الجهاز هو مبتكر من قبل شركة السيارات العالمية بورش والي هي الراعي الرسمي لهذا التصميم.

مواصفات هذا التصميم الي راح يكون من رعاية شركة السيارات العالمية بورش

راح تكون الشاشة بنسبة 94.1% من حجم الجهاز الي يعتبر شي مهم بهذا التصميم, وراح يكون بسمك 9.3 مللميتر, وراح يكون التصميم من جهة الخلفية الي صممتة شركة بورش, بوجود جلد من النوع الفاخر باليمين واليسار ويتوسط هذا الجلد لوح زجاجي وبداخل هذا اللوح راح تلكة الكاميرات الاربعة لهذا الجهاز,  التصميم يختلف عن كل نسخ الميت 30 البقية بتصميم الخلفية الرائع شكل الكاميرا بهذا الجهاز راح يختلف جذرياً عن النسخ, وهذا الشي الي خلى يتميز عن باقي النسخ وباالاضافة إلى الجلد, طبعاً الالوان الي تتماشى وية هاي النويعة من التصميم هي أحمر أو أسود يعني الجلد راح يكون باللونين المذكورات.

صورة لظهر الجهاز يبين الجلد والتصميم الرائع لهذا النوع

هالجهاز راح يجي بذاكرة عشوائية 12 جيجا بايت وذاكرة داخلية 512 فقط وما راح يدعم وجود اي ذاكرة خارجية آخرى ونوع المعالج حيكون HiSilicon Kirin 990 ثماني النوى.

لهسة ما جاي الجزء المهم والي هو السعر الي حيكون عليه هذا الجهاز لأن هو شي خيالي يعني تخيل انه هم اول سعر كالوا عليه الي راح يتراوح من 2095  إلى 2313 دولار أمريكي!! والي يحمل الصفات الي أشرنا الهم فوق, يعني من صدك شي خيالي واذا تريد تشوف الجهاز وبدقة جيدة ادخل على الفديو الي موجود جوة

اذا جنت تريد مواصفات أكثر عن هذا الجهاز تكدر تدخل على الزر الي موجود باللون الاحمر
هواوي ميت 30

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق
إغلاق