fbpx
العاب الاندرويدالعاب الايفون

لعبة My Hospital بناء مستشفى متكامل للاندرويد والايفون

بما أنه الوقت حالياً متجه نحو الامراض وخاصة مرض كورونا الفايروسي فحبينا نقدم لعبة للحكومة علمود نعلمهم شون يبنون مستشفى مثل مال اصين بنت مسشفى ب10 ايام, هاللعبة تعلمك شون تسوي مستشفى وشوون تديرها طبعاً مو بالضبط بس قريب عليها.

طبعاً من احلى العاب الموبايل هن الالعاب الي تكون مالتها المراحل متخلص والاحلى تسوي شي قريب للواقع مثل بناء مدينة بناء قهوة بناء مطعم وادارته, كل هاللعبات الها جمهورها الخاص, خل نتعرف على اللعبة مال اليوم…

لعبة My Hospital

تبني البناية مال مستئفى كأي بناية ثانية وتديرها ورا ما تخلص بناءها, تكدر تبني مكان للاطباء والي يكون مكتب الأطباء, غرف التحليل والتشخيص الي تكون على شكل عيادات خاصة, وطبعاً الاماكن الخاصة بالعلاج او ما يسمى مراكز العلاج واهم شي تكدر توسع الحجم والمساحة مال مستشفى مالتك, وبالتالي تكبرها وتسويها أكبر من غيرها من اصدقائك الي عدهم نفس هاي اللعبة.
تبنى او تصنع العقاقير والأدوية من البناتات الي انت تزرعهن ولازم تزرع النباتات الي تفيدك, وتنتج العقاقير الي تساعد على العلاج, أكو أكثر من 80 مرض انت لازم تعالجهن, اذا جانت امراض ارتفاع درجات الحرارة او الالتهابات او الامراض الخاصة بالأجهزة الجسمية, لازم توجد العلاج اللازم  لهذني الامراض, وطبعاً بهاي الغرف الخاصة بالعلاج لازم يبقى المريض إلى أن يتم معالجته,وبالتالي راح يرتفع عندك المستوى وتعبر المرحلة وتخلص التحدي الخاص بهاي المرحلة.
لازم تستغل كلش زينن المساحة مالتك بشكل جيد لأن مطلوب منك أكثر من شغلة بنفس هذا المكان فلازم يصير الترتيب حلو ولازم تحسن من صورة المستشفى ومكان الي يتم علاج المرضى بي وهذا أكيد لازم يكون ضمن الخطة بسبب حالة المرضى النفسية.
تكدر تضيف جماعتك الي عدهم نفس هاي اللعبة او كول الهم ينزلون هاي اللعبة وتحداهم بجمال المستشفى مالتك وصير أحسن واحد بيهم.
يعني اللعبة تخليك تتعلم شلون تسوي المستشفى وبالتالي لازم ننطي الرابط مالتها لذولاك الناس علمود يصير عدهم احساس ويسون شي براسة خير وشكراً…
تكدر تحمل اللعبة من الروابط لاي موجودة جوة.
الايفون الاندرويد
AppStore Google Play

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق
إغلاق