fbpx
الشروحات

طريقة شحن شدات ببجي في العراق

ببجي موبايل من اكثر الالعاب انتشاراً في العراق مع محافظتها لمدة سنتين على شهرتها كونها تقدم تجربة مميزة للاعبين الموبايل مع كل بداية سيزن يكثر الطلب على عملة اللعبة ” UC ” او كما تسمى (شدات )

فحبينا تكون هذه المقالة شرح لكل الطرق الممكنة والسهلة لتعبئة “الشدات” الخاصة باللعبة

الطريقة الاولى ..

طريقة تعبئة شدات ببجي عن طريق الرصيد

هذه الطريقة تعتبر الاغلى من ناحية السعر .. والابسط من ناحية الصعوبة

كل اللي تحتاجة خط فعال ( زين , اسيا , كورك ) ورصيد

حتى تكدر تعبي شدات عن طريق الرصيد اضغط على الزر التالي

الشدات عن طريق الرصيد

راح تفتح واجهة تطلب منك الايدي الخاص باللعبة وكمية الشدات الي تحب تشتريها

نكتب الID ونضغط حسناً

 

تختار كمية ال UC الي تحب تشتريها وتضغط على خيار ادفع الان

عند الضغط على خيار ادفع الان يجب الموافقة على شروط الموقع

بعدها راح يحولك لصفحة تختار بيها الشبكة وتكتب رقم موبايلك

بعدها راح توصلك رسالة متكونة من اربع ارقام للتاكد من صحة امتلاكك للرقم

بعد ما تضغط على OK راح تتم تعبئة الشدات مباشرتاً على حسابك داخل اللعبة

 

الطريقة الثانية

طريقة شراء شدات ببجي موبايل عن طريق زين كاش

هالطريقة الارخص من ناحية السعر ..

كل الي تحتاجة بهالطريقة هو محفظة زين كاش تكدر تسويها وتعبيها عن طريق اي وكيل زين كاش قريب ( مجاناً )

يعني مثلاً اذا حاولت تشتري 660 شدة ببجي موبايل عن طريق زين كاش والي سعرها 12 الف دينار كل الي تحتاجة هو فتح محفظة زين كاش (مجانية ) وتعبئتها ب12 الف دينار

بعد ما فتحت المحفظة وعبيتها لازم تنصب التطبيق الخاص بالمحفظة

تكدر تبحث عليه من خلال اب ستور او سوق بلي تحت مسمى “Zain Cash “

بعد ما تدخل للتطبيق تضغط على خيار بطاقات الكترونية

بعدها تضغط على خيار بوبجي

تختار كمية الشدات الي تحب تشتريها

تضغط على خيار ارسال راح توصلك رسالة SMS تحتوى على رمز

بعدها نقوم بنسخ الرمز السري والضغط على الزر الموجود في الاسفل

استرداد الرمز السري

وتقوم بادخل معرف اللاعب والرمز السري

 

الطريقة الثالثة 

تعبئة شدات ببجي عن طريق الفيزا كارد او ماستر كارد

كل الي تحتاجة بهالطريقة هي عبارة عن بطاقة ائتمانية 

اكو هواي طرق بالعراق حتى تكدر تطلع بطاقة ائتمانية 

الطريقة الاولى من خلال ( زين كاش ) وهي اسهل طريقة متوفرة في العراق حالياً فقط تراجع اقرب وكيل زين كاش وتطلب الوالت كارد .. سعرها 15 الف دينار عراقي والاستلام فوري والتعبئة فورية والعمولات قليلة 

الطريقة الثانية عن طريق المصارف تكدر تفتح حساب بنكي وتطلب وياه بطاقة ائتمانية ( مكلفة وتاخذ اسبوع تقريباً ) 

الشدات عن طريق الفيزا او الماستر

بعد ما تدخل تدخل معرف اللاعب وتختار Credit Card وتختار كمية الشدات الي تريدها يحولك لصفحة تملي بيها معلومات الفيزا وتتم عملية الشراء

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق
إغلاق