fbpx
الشروحات

حل مشاكل اللاك في ببجي موبايل

شرح بسيط مفصل لطريقة حل مشاكل اللاك الي تحصل اثناء لعب ببجي موبايل للايفون والاندرويد

الكل يواجة مشاكل اللاك داخل اللعبة حتى من يكون جهازك قوي و حديث والنت يمك سريع

فراح نشرحلكم كل الطرق الي تاثر على سلاسة اللعبة وليش هيج يصير

 

1- اهم شي حتى تحل اللاك وتتخلص من كل المشاكل الخاصة باللاك

هي تربط حسابك داخل اللعبة بسوق بلي للاندرويد  او كيم سنتر للايفون . . او تربطة بحساب تويتر جديد

بعد ما تربط حسابك بحساب تويتر تقوم بحذف الاصدقاء الي متحتاجهم او متلعب وياهم

سبب اللاك هنا  : هو كثرة الاصدقاء بسبب ربط اللعبة على حساب فيسبوك او اضافة الكثير من الاصدقاء من خلال اللعب

ان اللعبة راح تستمر بتحميل بيانتهم اثناء لعبة وصورهم ونتائجهم

يعني تخيل انت عندك 100 صديق فاتح اللعبة وانت جاي تلعب ال100 صديق راح تتحدث بيانتهم وحالتهم داخل اللعبة باستمرار وبالنسبة للفيس راح تتحمل صورهم من سيرفرات الفيسبوك

يعني تقريباً انت بالثانية الوحدة راح تحمل بيانات  حجم 500 كيلو بايت اضافة لبيانات لعبك

 

وهذا شرح شلون تربط اللعبة بحساب تويتر جديد او حساب سوق بلي

1- تدخل على الاعدادات

2- تضغط على علامة الزائد

ثم تقوم باضافة الحساب الذي تريدة

 

اما عن طريقة حذف الاصدقاء

تضغط على سلايد الاصدقاء على اليسار

ثم تضغط على علامة الاصدقاء

ثم ( Batch Friend )

وتقوم بحذف الاصدقاء

 

 

2- بسبب اعدادات الرسوميات ( الجرافك )

كلما ترفع الدقة بالاعدادات راح يصير عندك لاك اكثر اذا كان جهازك مو جهاز قوي او حديث

السبب : هو الاستخدام الزائد لموارد الجهاز ( المعالج والرام والمعالج الرسومي )

فافضل دقة لاعدادت الشاشة حتى تلعب بشكل سلس نفس الصورة

ولا تنسى تفعل الخيار التالي

 

3- امسح اللعبة وارجع نصبها

احياناً يكون هناك عطب بملفات اللعبة الداخلية بسبب كثرة التحديثات الي تجي فكنصيحة بعد كل تحديث الافضل تقوم بمسح اللعبة واعادة تنصيبها

 

4- بالنسبة لجماعة الاندرويد ( احذف ملفات اللعبة و الكاش )

ايضاً يصير عطب او كثرة ملفات الكاش راح تخلي  اللعبة لا تعمل بسلاسة

 

اذهب للاعدادات

> التطبيقات

 

ثم اختار لعبة ببجي موبايل ثم  التخزين واحذف ملفات الكاش

 

 

5- استخدام برنامج GFX tools ( للاجهزة الضعيفة فقط )

تحميل البرنامج

 

البرنامج يقوم بالتعديل على ملفات اللعبة واجبارها على التشغيل باعدادات معينة تقوم باختيارها انت سهل الاستخدام 

 

لا تنسى قبل لا تبدي تلعب رست الجهاز واغلق كل التطبيقات

تمت 😀

اترك تعليقاً

لن يتم نشر عنوان بريدك الإلكتروني.