fbpx
تطبيقات الايفون

تحميل برنامج Duolingo للايفون لتعلم اللغة الانكليزية و غيرها من اللغات

تنزيل برنامج لتعلم اللغة الانكليزية

اللغة الانكليزية:

هي أهم لغة بالعالم الوظيفي او العالم التكنولوجي وغيرها بأختصار اللغة الانكليزية تخليك متضيع وين ما جنت يعني قلة الدول الي ما يتكلمون بيها اللغة الانكليزية, وأول شي يسألوك عليه هو تعرف انكليزي؟ شكد قوتك باللغة الانكليزية , بالمقابلة مال شغل, الناس كلها تريد تتعلم انكليزي واكو الف طريقة وطريقة تتعلم بيها منها تباوع افلام منها تقرة بشكل يومي او حتى ممكن تتقنها اذا رحت كعدت فترة يم ناس لغتهم الام هي الانكليزية وطبعاً لازم تتعلمها بشكل صحيح لأن اكو هواي الفاظ الها وطبعاً الي ننتعلمة احنة كتعليم ما يوصلك لأي مكان, لذلك لازم تعتمد على نفسك وتطور لغتك بنفسك ومثل ما كلت هواي اكو طرق تعلمك سواء انكليزي او غير لغة.

البرنامج الي اسولف عنة هو برنامج ديولنجو الي ممكن نكول عليه احسن برنامج لتعلم اللغات مو بس اللغة الانكليزية لا حتى العربية ممكن يعلمك على عليها, وبطرق كلش سهلة وكلش حلوة وماكو شي ممل بهذا البرنامج بحيث ينطيك خيارات كلش هواي للتعلم وراح نتطرق الهن.

يا لغة تكدر تتعلمها بهذا البرنامج

اولاً اللغة العربية لأن هالبرنامج يستخدموا متحدثين اللغة الانكليزية هم, تتعلم الانكليزية, اسباني, الماني, ايطالي, روسي, برتغالي, تركي بالنسبة للي يباوعون مسلسلات تركي, هولندي, ايرلندي, سويدي, ويوناني وغيرها من اللغات الي يمكن يوصل عددهم 23 هيج شي.

شنو الطرق الي تتعلم بيها اللغة بهذا البرنامج

  • اول شي الي هي الاختيارات يكول الك جملة بكذا لغة وينطيك كلمات انت تجي تدوس على الكلمات وتصفطهن بحيث تسوي نفس الجملة الي هو رايدها.
  • السمع يكلك كلمة او جملة صوتياً وانت تكتبها باللغة الفلانية وطبعاً اكو السرع العالية واكو البطيئة الي اسمها سرعة السلحفاة.
  • الجمل الناقصة الي ممكن ينطيك جملة بيها نقص كلمة او اكثر وانت تكملها.
  • وطريقة عرض ذني الطرق كلش حلوة بحيث كل سؤال يجيك بصيغة شكل علمود لا تحس بالملل بالبرنامج.

واكو شي كلش حلو الي هو وقت الدرس اليومي الي تريدة مثلاً اكو خمس دقايق او عشرة او 15 او عشرين وكل درس والة ترتيبة, والاحلى انه هالبرنامج بي فيد باك بشكل دوري اي شي تخطأ بي يتسجل علمود يعرفون شون يطورون على البرنامج.

وطبعاً هالبرنامج عن استخدام شخصي كلش عجبني وكلش سهل وكلش ممتع متحس بملل ابد ومتحس بالوقت وانت تستخدمة, انصح بي.

وشغلة اخيرة البرنامج يخيرك تريد شي قوي او عادي يعني انت قوي بهاي اللغة يبدي وياك من الدرجة المتوسطة او انت ضعيف يبدي وياك شي صوري.

تكدر تحمل البرنامج من الزر الي موجود

App Store

اترك تعليقاً

لن يتم نشر عنوان بريدك الإلكتروني.