fbpx
تطبيقات الاندرويدتطبيقات الايفون

برنامج مشاركة رمز الواي فاي للاندرويد والايفون

برنامج انشاء كود للراوتر

اذا ردت تنطي الرمز بشكل مؤقت او تنطي الرمز بس ما تحجي للي كاعدين كلهم هذا البرنامج ينطيك هاي الخيارات للنظامين الاندرويد والاي او اس.

شنو هو برنامج حماية الرمز

برنامج مشاركة رمز الراوتر بدون ما تكول الرمز للشخص الي تريد تنطي الرمز او الي يريد يكنك عليك بحالة وجود شخص ما تريدة وهالشي يسهل ليك هواي امور مثلاً اجو خطار ببيتكم فد 5 نفرات وكلهم رادوا الرمز راح تعيدة مثلاً مرتين او 3 فبمكان ما تعيد الرمز هاي الطريقة اسهل واسرع واحسن بمكان ما ينبح صوتك.

بالمناسبة هاي الطريقة موجودة بهواتف ساسمونك بشكل اوتوماتيكي يعني موجودة بالنظام مو كل الاجهزة اعتقد من نوت 9 وفوق, طريقة كلش حلوة, هذا الحجي لحد ايفون 7 ماكو بالنسبة لابل وما اعتقد موجودة بالاصدارات الي بعدة, هالبرنامج هو يسويها الك.

مبدأ عمل برنامج مشاركة رمز الراوتر

مبدأ العمل هو يسوي صورة مثل ما موجودة بالسناب شات من تريد تضيف واحد عن طريق الكود الخاص بي, هذا الشي الي يسموا كود, هالبرنامج يسويلك هذا الكود عن طريق المعطيات الي تنطيهن الة.

هذا البرنامج الة طريقة تشغيل الي هي.

1- تفتح البرنامج راح تلكة حقلين واحد مكتوب بي SSID, الي معناه اسم الراوتر الحقل الثاني اسمة PASSWORD الي تخلي بي الرمز.

2- تملي الحقلين وراها تدوس على جينريت او انشاء.

3- راح ينطيك صورة نفس الي موجودة بالبداية الي هي كود.

4- تجيب موبايل الي تريد يتصل بالشبكة تخلي الكاميرا مالتة على الكود راح يجيك اشعار فوك يكلك تريد ترتبط بكذا شبكة تدوس عليه هو راح يتصل واتمتع بالانترنت بدون ما يعرف الرمز.

هاي الطريقة تخلي الرمز مال واي فاي مالتك غير معروف حتى للي مكنك عليه وبالتالي راح يضل رمز الراوتر مالتك غير معروف والي يكنك عليك ما راح ينطي الرمز لغير واحد لأن ما يعرف المعطيات الي انت تدخلهن بالبرنامج اول مرة.

تحمل البرنامج من سوق بلي

سوق بلي

تحميل البرنامج من اب ستور

اب ستور

اي مشكلة تواجهك راسلنا على صفحتنا في الفيسبوك

الوسوم

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق
إغلاق