fbpx
تطبيقات الاندرويدتطبيقات الايفون

برنامج لترتيب ديكور البيت قبل الشراء للاندرويد والايفون

بالآونة الاخيرة يعني نقصد بيها هاي ال10 سنين الي فاتت كلش تطورت سالفة التكنولوجيا بالعراق وصار كل واحد عندة جهاز بيدة ع الأقل اذا مو ثنين وطبعاً هالشي بي جانب سلبي وايجابي حسب استخدام الشخص لأن من الممكن ان يتم استخدام الموبايل بطريقة غير صحيحة وبالتالي تروح للجانب السلبي بس اذا تم استخدامة بالطريقة الصحيحة وصارت مضبوطة لا راح يساعدك الموبايل بشكل مو طبيعي يعني بغض النظر عن الاشياء الي ينطيها الك الموبايل الي تساعدك بالبيت وبالشغل بس بعد وبعد والايام الجاية هم تبين انه بعد اكو برامج تفيد الناس بشكل مو طبيعي بحياتك اليومية او بسفرك او حتى بكعدتك وانت بالبيت, خل نتعرف ويانة على البرنامج الجاي الي بي فائدة لا بأس بيها.

ما هو برنامج تخطيط او ترتيب البيت او الغرفة Room Planner: Home Interior & Floorplan Design 3D

إذا مثلاً هستوك مشتري بيت جديد او باني جديد ردت تشتري رف او تشتري تخم مال بيت او تشتري كاونتر وتريد تشوف شكد القياس او تريد تشوف شون يطلع الشكل بدون ما تشتري وبدون اي خسائر, بهالحالة مطورين هذا البرنامج سوة علمود لا تدوخ وتاخذ كل انواع الاحتياطات الخاصة بهيج أشياء, يعني برنامج راح يفيدك كلش من ناحية الديكور وهاي الامور.

هالتطبيق يوفر الك اشياء الي هن

  • تكدر تشوف الاشياء بمنظور افتراضي يعني شيء ما موجود بالواقع بس بداخل صورة الجهاز.
  • تكدر تغير الالوان او الاشياء الي بالصورة حسب ما انت تريد.
  • وتكدر تراويها لواحد بعيد وتاخذ رأيه بالموضوع.

طبعاً البرنامج يوفر الك كتالوج خاص وكامل بي أكثر من 5 الاف منتج تكدر تجربهن وطبعاً كلهن بالتصوير ال3 دي والواضح وعدد الغرف الي بي غير محدودة وهم كلها بدقة اج دي, بس ذني بفلوس مو بلاش.

بعد انت تعرف شون تسوي مالتك الديكور وشون تسوي عملية السحب من مكان لمكان وتضيف اشياء وطبعاً مثل مال كلنة بي اشياء مجانية وبي اشياء لا الا اشتراك بعتبار هو برنامج مساعد كلش للناس.

تكدر تحمل البرنامج من الروابط الي موجودة جوة.

الايفون الاندرويد
AppStore Google Play
الوسوم

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق
إغلاق